Norðlendingurinn spekúlerar

Nú árið senn á enda er

2008-12-29T15:59:00.002Z

Þá líður að lokum þessarar síðu þó svo spekúlerasjónir norðlendingsins haldi áfram á öðrum vettvangi. Þeim örfáu vinum & vandamönnum sem lesa þetta óska ég gleðilegs nýs árs, þakka fyrir allt gamalt & gott og vona, þrátt fyrir hrakspár, að árið 2009 verði þeim gott og gæfuríkt. P. Pedersen fær einnig sérstaka kveðju!

Lifið heil lömbin mín

Ekki sama að vera ráðherra og íslenskur ráðherra

2008-12-14T15:41:00.003Z

Ég er mikið að hugsa um að loka þessari síðu á nýju ári. Blogg er bara ekki lengur það sem það var... nú er það bara Facebook! Nú er bara að nýta tímann sem eftir er af árinu til að koma ýmsu á framfæri! Hingað til hef ég ekki haft áhuga að skrifa um 'ástand' þjóðfélagsins, hina svokölluðu 'kreppu' eða þá spillingu sem á sér stað hjá íslenskum stjórnvöldum. En svo fór ég að hugsa um öll þau skipti sem ég hef hlustað á fréttirnar og heyrt af því þegar þessi og hinn erlendi ráðherrann, stjórnmálamaðurinn eða opinberi starfsmaðurinn segir af sér vegna mistaka í starfi. Ég leitaði aðeins á netinu og þetta var það fyrsta sem ég fann:

*Ráðherra innanríkismála á Indlandi, Shivraj Patil, sagði af sér í nóvember en með því sagðist hann vilja axla siðferðislega ábyrgð á atburðunum í Mumbai. Hátt í 200 manna létu lífið í borginni er öfgamenn réðust á tvö hótel og nokkra fleiri staði í borginni. Yfirvöld á Indlandi sættu nú harðri gagnrýni fyrir það hvernig að aðgerðum gegn hryðjuverkamönnunum var staðið. Siðferðisleg ábyrgð... isspiss allt er nú til í útlandinu...

*Aleqa Hammond sagði af sér embætti fjármálaráðherra Grænlands vegna þess að hún var ósammála útgjaldastefnu landsstjórnarinnar. Íslenskum þingmönnum ber að starfa eftir sannfæringu sinni - t.d. ekki að samþykkja e-ð sem þeir eru ósammála. Undanfarnar vikur hafa þingmenn/ráðherrar verið afar yfirlýsingaglaðir en svo þegar á reynir bakka þeir með allt saman svo stjórnin missi ekki trúverðugleika...

*Bertie Ahern, forsætisráðherra Írlands lét af embætti 6. maí á árinu. Hann hafði verið undir þrýstingi vegna fjármálahneykslis þar sem hann er sagður hafa tekið við leynilegum greiðslum frá kaupsýslumönnum á tíunda áratugnum. Talað er um ca. 11 milljónir króna í óskráðum greiðslum. Fjármálahneyksli sem hljóðar upp á 11 milljónir og hann segir af sér! Jasko hann!

*David Davis, þingmaður breska Íhaldsflokksins og talsmaður flokksins í innanríkismálum (sem og einn best þekkti þingmaður stjórnarandstöðunnar) sagði af sér þingmennsku í sumar í mótmælaskyni við lagafrumvarp ríkisstjórnar landsins um að halda megi mönnum í varðhaldi 42 daga án ákæru séu þeir grunaðir um hryðjuverk. Davis sagði að afsögnin væri heiðursmannleg aðgerð til að stöðva dvínandi réttindi hins almenna borgara. Heiðursmannleg aðgerð er hugtak sem ekki er til á Íslandi.

*Ehud Olmert, forsætisráðherra Ísraels, sagði af sér embætti á árinu. Hann lýsti því yfir í lok júlí, að hann myndi segja af sér en hann sætir rannsókn vegna ásakana um spillingu þegar hann gegndi embættum borgarstjóra Jerúsalem og iðnaðarráðherra Ísraels. Spillingu! Oj, eins gott að það er ekki spilling á Íslandi.

*Pervez Musharraf, forseti Pakistans, sagði af sér embætti. Hann telur sig hafa orðið fyrir röngum ásökunum, en hann og stjórn hans eru talin hafa valdið þeim efnahagsörðuleikum sem þjóðin hefur búið við síðustu 9 ár. Geir ætti kannski að slá á þráðinn til hans Musharraf...

*Varnarmálaráðherra Japans, Fumio Kyuma, sagði af sér í fyrrasumar vegna eftirfarandi ummæla: „Kjarnorkuprengjurnar sem sprungu í Nagasaki og Hiroshima voru nauðsynlegar til þess að enda seinni heimstyrjöldina.“ Sagði hann eftir á að ummæli hans hefðu valdið ríkisstjórninni vandræðum og honum þætti það leitt. Eins gott að íslenskir þingmenn, ráðherrar og aðrir embættismenn (t.d. Seðlabankastjórar) segi aldrei neitt sem baki ríkisstjórninni, og þjóðinni allri, vandræðum!

*Yfirmaður kínverska matvælaeftirlitsins, i Changjiang, hefur sagt af sér í kjölfar þurrmjólkurhneyklis. Alls hafa nærri 53 þúsund kínversk ungbörn veikst í kjölfar þess að hafa drukkið melamín-mengaða þurrmjólk. Það að skuldsetja 53 þús. ungabörn telst þó ekki til afglapa í starfi og sitja því yfirmenn eftirlitsstofnanna sem fastast.

Dæmin eru eeeeeendalaus. Ég tók bara það fyrsta sem kom upp. Skil vel hafi þið ekki nennt að lesa þetta allt, mér finnst þetta samt sem áður afar áhugavert. Komist einhver að því hvaða lím ráðherrar/þingmenn/aðrir opinberir embættismenn noti til að líma rassgatið á sér fast við stólana þá þætti mér vænt um að fá að vita það.

Tímaskekkja

2008-11-29T16:21:00.002Z

Vantar ykkur gjafir fyrir stráka í fjölskyldunni? Stórhættulega strákabókin er svarið. Þar má finna svör við því hvernig búa eigi til langfleygar skutlur, kristalla, kassabíl og trjákofa. "Bókin er fullkomin leið til að endurvekja ævintýraheima fyrri ára og koma góðri og gildri þekkingu frá einni kynslóð stráka til þeirrar næstu." Bókin er svo skrifuð af karlmönnum og þýdd á íslensku af karlmönnum.

Vantar ykkur gjafir fyrir stelpur í fjölskyldunni? Þá eru til bækurnar Prinsessan fagra, Prinsessur fara í sumarfrí og svo eru til fimm bækur um Rósalind prinsessu.

Samkvæmt þessu er unnið markvisst að því að steypa börn í sín hlutverk. Strákarnir eru þeir sem smíða, gera tilraunir og óhreinka sig í leikjum sínum. Stelpurnar fá það hlutverk að vera prinsessur sem ganga um í kjólum. Prinsessur smíða ekki, búa til kristalla eða leika sér í kassabílum. Þær eiga fullt í fangi með að vera sætar, fínar og penar í leit að prinsinum.

Verð þó að vekja athygli á því að bækurnar sem taldar eru upp hér að ofan eru allt þýddar bækur. Íslenskir barnabóka rithöfundar virðast hafa meiri metnað fyrir verkum sínum.

Ekki segja:

2008-11-27T15:18:00.001Z

- "tvem" eða "tvemur" - það er EKKI TIL!!
- "ég er jafnréttissinni, ekki femínisti"
- "ske" eða "skeði" - það er ekki íslenska
- "pulsa" - þetta heitir pylsa og ekkert rugl.

Dramatískur Rúdolf

2008-11-21T08:41:00.005Z

Áróran mín kom í heimsókn á miðvikudaginn, ásamt fjölskyldu, til að borða með okkur í hrossakjötsveislunni, þar sem Arnar 'hrossakjötsfrændi' var jú í heimsókn. Hún kom inn skælbrosandi með nýju DVD myndina sína - Rúdolf 2. Eftir mat lá henni mikið á að horfa á myndina. Ég plantaði henni inní herbergi og setti myndina í tölvuna. Þar sat hún næsta klukkutímann og það heyrðist ekki í henni. Að myndinni lokinni kom hún inn í stofu til okkar og Arnar spyr hvernig hún hafi verið. Hún sest hjá mömmu sinni og byrjar að segja frá henni, segir frá bangsanum og svo byrjar hún að hiksta í frásögninni og að lokum grætur hún svo mikið að ég á erfitt með að halda þræði. Næ því þó á milli ekka að það hafi einhver verið vondur við bangsann sinn sem átti bágt. Tárin leka niður kinnarnar á þessu 5 ára barni og sorgin skín í gegn. Það var synd að segja að barnið væri dramatískt.

Ráð undir rifi hverju

2008-11-18T13:08:00.002Z

1. Ekki láta standa í ykkur rétt á meðan þið akið bíl. Vil því benda fólki á að vera ekki að borða gulrót á meðan það keyrir, sérstaklega ekki hafi það ekki náð fulli færni í að tyggja matinn.

2. Þegar fólk fær sér nýtt rúm er hentugt að fá smá flensu nokkrum dögum síðar - það réttlætir daglanga rúmlegu (þetta ráð er reyndar í boði sambýlingsins)

3. Ef þið viljið ná góðu gengi í prófi er hugsanlega ekki nóg að læra bara daginn fyrir próf

4. Ef þið skiljið tæplega prjónauppskriftir á íslensku þá er hæpið að þið skiljið þær e-ð betur á norsku

5. Ef þið ætlið ykkur að spara í matarinnkaupum þá fariði ekki svöng í búðir

Hugsanir 25 ára stúlkunnar

2008-11-04T20:02:00.007Z

Ég hef oft verið spurð að því hvað ég hyggist gera eftir námið. Ég svara þeirri spurningu yfirleitt á þá leið að það komi nú bara í ljós. Að það sé næga vinnu að fá ef maður er opinn fyrir öllu. Þannig hef ég náð að ýta frá mér nánari hugleiðingum um hvað nákvæmlega ég ætli mér að gera eftir útskrift. En hugurinn sá við þessari frestunaráráttu. Tvær nætur í röð í síðustu viku vaknaði ég upp með andfælum um miðja nótt þar sem þessar hugsanir réðust að mér. Hvar ætla ég að vinna, við hvað langar mig að vinna, hvað ef ég fæ ekki vinnu, hvað ef hvað ef hvað ef... Það er því sama hversu lengi maður ýtir óþægilegum hugsunum frá sér, þær leita þig alltaf uppi.

Annars átti ég afmæli um daginn - vonandi að það hafi ekki farið framhjá neinum. Á afmælisdaginn sjálfan héldum við matarboð fyrir þá fjölskyldumeðlimi sem staddir eru á norðurlandinu. Þar var boðið uppá dýrindismat, sem sambýlingurinn matreiddi, en ég sá um eftirréttinn. Rétt er að birta mynd af honum:

Á laugardaginn hélt ég svo kökuboð fyrir vini og vandamenn. Því var skipt niður í nokkur holl (skrifar maður 'holl' svona?) og stóðu því veisluhöldin yfir frá ca. 13.00-18.30. Það var rosa gaman og ég fékk margar góðar gjafir - þó gestgjafinn hafi eingöngu óskað eftir góða skapinu. Greinilegt er að aldurinn er farinn að segja til sín því ég fékk stóran pakka frá MögguStínu sem innhélt allt það sem kona á efri árunum þarf að eiga - hrukkukrem, fjólubláan innigalla, bingó-hatt, gyllinæðakrem og bolla frá kristilega kvenfélaginu Aglow. Hún er eldri - hún ætti að vita þetta! Fékk svo reyndar æðislegan vasa frá henni líka. En ég fékk margar aðrar góðar gjafir sem ég ætla að láta vera að telja hér upp. Þó verð ég að segja frá æðislegri bók sem ég fékk; I'm not a feminist but...

Hún inniheldur m.a. setningar á borð við:

If men are better drivers than women, why do they have more accidents?

Why aren't blond men considered intellectually challenged?

If men buy Playboy for the articles, why does the magazine go to the trouble of printing pictures of naked women?

Why don't men write to magazines for advice on juggling family and career?

Í lokin vil ég láta vita af því að við keyptum okkur nýtt rúm! Það er King-size mega rúm. RVK-heklur eru því velkomnar í heimsókn, það er pláss fyrir ykkur allar!

Komandi afmæli

2008-10-27T09:16:00.002Z

Ég á afmæli á morgun. Þá verð ég 25 ára. Eftir 5 ár verð ég 30. Mér finnst það ekkert tiltökumál, ég þekki fullt af fólki sem er 30 og er bara ágætisfólk. Það hefur ekki tapað húmornum og leggur sig ekkert oftar en ég. Svo framundan eru góðir tímar.

Annars sit ég í tíma núna. Ég hlusta á samnemendur mína rökræða við kennarann um afar óhugavert efni og velti fyrir mér afhverju ég hafi ekki áhuga á samtalinu. Afhverju lagði ég á mig 5 ára háskólanám ef ég get ekki haft gaman af samtali um sakarefni sem ekki mega vera undanþegin úrlausn dómstóla eða samtali þar sem aðilar rökræða um afrétt. Já, ég spyr mig hvort ég sé stödd á rangri hillu í lífinu. Hugsanlega fullseint í rassinn gripið að velta þessu upp þegar langt er liðið á 5. ár námsins. Ég hef þó ákveðið að snúa þessu mér í hag, þ.e. ég held að ég hafi svo miklar gáfur að ég átti mig á hversu leiðinlegt þetta er. Þeir aðilar sem hafa gaman af þessu eru einfaldleg ekki eins skemmtilegir né eins gáfaðir og ég! Hrokafullt viðhorf? Já, kannski. En það bjargar mér frá þungum hugsunum um hugsanlega villu míns vegar síðustu 5 ár.

Kapphlaup

2008-10-22T19:50:00.002Z

Eins og mér finnst flestir raunveruleikaþættir leiðinlegir þá slær Innlit/Útlit þá flesta út. Sem er mjög sorglegt því ég hef gaman af hönnun og útliti - en get ekki fengið mig til að horfa á heilan þátt. Ég er svo að vinna í því að fá bæði sjónvarps- og útvarpsstöðar til að hætta að flytja zikzak auglýsingarnar. Sjáum hvað setur.

Gott samt að ég hafi ekki stærri vandamál en þetta. Er það ekki velmegunarvandamál þegar maður í miðri kreppu fer að kvarta yfir sjónvarpsdagskránni? En að er svona að hafa ekki tekið þátt í lífsgæðakapphlaupinu af fullum krafti. Stundum borgar sig að vera latur - hugsa að ég haldi mig því frá hvers kyns kapphlaupum héðan í frá. Og talandi um það þá fann ég stórmerkilegan hlut á Google um daginn. Þar sem ég átti að vera að læra þá fannst mér mjög nauðsynlegt að 'gúgla' nafninu mínu. Og vitiði hvað?! Þá kemur bara fram afreksskráin mín í hlaupum - tvö skipti í Landsbankahlaupinu!! Má nálgast hér. Nauðsynlegt að taka það fram að í bæði skiptin voru fleiri hundrum stelpur að hlaupa. Þetta gat maður þá.

Krúttin á Airwaves

2008-10-20T11:59:00.003Z

Nú er Airwaves-hátíðin yfirstaðin. Ég fór ekki og var það þar með í tíunda skiptið. Ég hugsa alltaf um týpurembing þegar ég heyri minnst á Airwaves. Veit ekki afhverju ég tengi þetta tvennt svona sterkt saman. Kannski því tónlistarfólk og áhangendur stunda margir hverjir týpurembing. Er heldur ekki að kaupa þessa 'krútt' bylgju. Slefaðu orðunum út úr þér og hættu þessari þykjustu-feimni.

Hver gerir auglýsingarnar fyrir kvenfatabúðina ZikZak? Vinsamlegast takið starfsleyfið af þeim aðila, brennið það og sendið á námskeið í mannlegum samskiptum. Svona gerir maður bara ekki!

Annars er ég bara hress og að snjóa inni.

Stjórnsýsluréttur

2008-10-12T15:21:00.002Z

Ójá. Það er sumsé próf á þriðjudaginn og eyddi ég því sunnudeginum uppí skóla, að þykjast að vera að læra. Mestur tími fór þó í að borða USA nammið hennar MögguStínu. Þar mátti finna Peanut-butter-fingers, Baby-Ruth-Bar og Chunky-bar. Ekkert slor nammi þar á ferð. Áður en við byrjuðum að læra fannst okkur þó nauðsynlegt að skoða facebook, fara vel yfir helgina, ræða liðna tíma og lífið almennt. Þegar farið var að ýta á okkur að koma heim þá fannst okkur tími til að byrja á að renna aðeins yfir námsefnið. Þegar við höfðum aðeins friðað samviskuna var svo haldið heim á leið. Allar líkur eru því á að á morgun sitji ég yfir námsefninu og blóti því að hafa ekki byrjað að læra fyrr.

Gleðitímar

2008-10-07T19:41:00.003Z

Jæja. Nú er kominn tími til að slökkva á útvarpinu, sjónvarpinu og loka blöðunum. Kreppa, fall krónunnar, vísitalan og gjaldeyrisforði eru orð sem ég ætla að loka á næstu daga. Ég ætla að hugsa um bjartari tíma og veggfóðra íbúðina með blaðsíðum úr Pollýönnu-bókum. Ég legg líka til að fólk fari að segja hvert öðru gamansögur milli þess sem það kveður vísuna um að fátt sé svo illt að eigi boði nokkuð gott.

Ég ætla að leggja mitt af mörkunum. Mér hefur ávallt fundist hrakfarir annarra mjög fyndnar en hef þó hina síðari tíma lært að hlæja líka að sjálfri mér. Ég var til dæmis að renna yfir gömul bitur blogg og hló mikið. Hló líka þegar ég var að rifja upp gömul atvik. Það er t.d. ekkert vandræðalegra en þegar maður sér einhvern sem maður kannast við og ætlar að heilsa honum, hann sér mann kannski ekki svo maður fer svona extra-mile til að geta heilsað, kalla nafnið hans þrisvar, standa upp og veifa eða eitthvað slíkt. Þegar aðilinn loks sér mann, á eftir ÖLLUM öðrum á staðnum, þá rétt nikkar hann til manns og labbar framhjá.

Hugsanlega er jú samt vandræðalegra þegar maður er að afgreiða í búð og HNERRAR á flíkina sem maður er að setja ofan í poka!

Já, það þarf ekki mikið til að skemmta manni - framundan eru því gleðitímar!

Kjaftasögur/sögusagnir

2008-09-25T21:43:00.005Z

Akureyri er skemmtilegur bær. Mér finnst hann fallegur, hlýr og passlega lítill. Í þau ár sem ég hef búið hér og stundað skólann þá hef ég heyrt ótal 'kjaftasögur'. Ekki er ég það heilög að hafa lokað eyrunum þegar ég heyrði af einhverja sem ekki voru óyggjandi sannannir fyrir eða meinaði mér að segja vinkonum/vinum sögurnar. Og believe you me - í eins litlu samfélagi og Háskólinn á Akureyri er þá er af nóg af kjaftasögum að taka. Nú er mitt 5. ár byrjað í Háskólanum og hefur áhuginn á sögunum farið dvínandi með hverju árinu, það var farið að skipta mig minna máli hvort Siggi svaf hjá 5 hjúkkum eða hvort Sigga var með sílikon. Tel þetta vera þroskamerki.

Áhugi minn kviknaði þó aftur nú um daginn. Þá heyrði ég sögu um stelpu sem var orðin ólétt - og stelpan var ég. Þetta er fyrsta sagan sem ég heyri um sjálfa mig. Þar sem ég er nú ekki ólétt velti ég því fyrir mér hvort fólk hafi áhyggjur af holdarfari mínu, drykkjuleysinu, reykleysinu eða öllu ofantöldu. Ég heyrði þessar sögusagnir frá nokkrum svo einhvur hefur velt þessu fyrir sér við hina ýmsu aðila. Ég fagna því að vera fólki svona hugleikin.

Stuttu síðar kom upp önnur saga. Sagan var sú að ég væri lesbía. Þeir aðilar höfðu þó ekki heyrt - svo ég viti - um óléttu-sögusagnirnar. Lesbíu-titilinn fengum við Vigdís vinkona fyrir að mæta saman í brúðkaup - sem gestir. Svo nú var ég orðin ólétt lesbía. Bjarni tekur þessu öllu með stóískri ró. Á ólétta lesbíska kærustu sem er að deita vinkonu sína - sem einnig er í sambandi - og ekkert hefur verið staðfest með faðerni barnsins.

Ég nota tækifærið og þakka þeim sem sýndu þessum kjaftasögum áhuga og báru þær áfram. Þannig fékk fleira fólk tækifæri á að hugsa og tala um mig. Mér finnst ég svo mikilvæg, að fólk taki sér tíma frá daglegum önnum og áhyggjum af kreppunni til að tala um mig. Það styttist því vonandi í langþráðan draum - að fá nafn mitt birt í dálknum Hver var hvar!

Fyndinn Baggalútur

2008-09-22T16:56:00.005Z

Tekið af Lesbókarfærslunni Nokkur lykilatriði, óþvegin:

Styttur.
Því fleiri styttur, því betra. En erum við í alvöru ekki komin lengra en að Tómasi Guðmundssyni? Og var hann ekki búinn? Kommon. Hvar er Jón Páll? Kiljan? Hvar er moðerfokking Ríó Tríó?

Ásdís Rán.
Er ekki hægt að hafa hana einhvers staðar í beinni? Ég verð bara að vita meira um hana.

Vitlausari en ég hélt?

2008-09-15T12:10:00.003Z

Er Egill Helgason enn vitlausari en ég taldi hann vera? Í nýlegum skrifum á bloggi sínu - sem þó er komið mjög aftarlega sökum gríðarlegra bloggskrifa á degi hverjum - fer Egill mikinn í tali sínu um deild innan Háskólans á Akureyri og kennara við hana. Kennari þessi - Dr. phil. Marcus Meckl - hélt erindi á félagsvísindatorgi síðastliðinn föstudag er bar heitið "The Mohammad cartoos in Jyllands-Posten and the freedom of the Press."

Egill skrifar þetta á bloggið sitt eftir að hafa lesið færslur af bloggi Svavars Alfreðs Jónssonar:

"Ef kennslan sem er stunduð í fjölmiðlafræði á Akureyri er í þessum dúr – ja, þá vil ég sem reyndur fjölmiðlamaður ráðleggja stúdentum að leita sér menntunar annars staðar.

Þá er þetta nám gagnslaust."

Egill Helgason virðist ekki hafa lagt á sig að hlusta á fyrirlesturinn sjálfan, sem þó var aðgengilegur á netinu, heldur hafa eftir upplýsingar frá 3. aðila og dæmir heila námsbraut út frá því. Við skulum því athuga að Egill setur inn færslu sem ber heitið Gagnslaus fjölmiðlafræði án þess að hafa hlustað á fyrirlesturinn sjálfan. Ég ætla ekki að viðra mína skoðun á skopteikningunum og tjáningafrelsi hér heldur eingöngu óhugnanlega þröngsýni Egils.

Agli var bent á að félagsvísindatorgin væri ekki kennslustund heldur opnir fyrirlestrar þar sem öllum væri boðið að koma. Þetta væri staður þar sem gagnrýnnar hugsunar væri þörf og skapaðist oft á tíðum mikil umræða og skipst væri á hugmyndum og skoðunum. Margir reyndu að koma þessu áleiðis, en það skipti engum toga, því nokkru síðar kemur inn önnur færsla með heitið Vitlausari en ég hélt og er Egill þar að vísa í Dr. Marcus Meckl. Þar eru enn fleiri sem viðra skoðanir sínar og sitt sýnist hverjum. Þar er m.a. einn sem bendir honum á að það sé af hinu góða að kynnast hinni vísindalegu aðferðafræði og gagnrýnum hugsunarhætti og að fyrirlestur sem þessi hlyti að teljast sem hluti af þeim lærdómi.

Svar Egils við því var stutt og ómálefnalegt: "Er pólitískt rétttrúnaðarjarm af þessu tagi kennsla í gagnrýnni hugsun?"

Ég ætla ekki að fara í sama far og Egill og dæmi hann því ekki, né starfsstétt hans eða aðra atvinnubloggara. Egill sér um að dæma sig sjálfur.

Eignaréttur með bláberjum.

2008-09-11T09:35:00.003Z

Ég hef verið að lesa eignarétt, þar sem það er jú verið að kenna mér það fag. Ég hef þó áttað mig á því að því að lestur þessa efnis hefur sneytt mig allri kímnigáfu. Ég verð leiðinlegri með hverri blaðsíðunni er ég les. Hef því ákveðið að hvíla mig á efninu í nokkra daga. Reyna að endurheimta húmorinn. Hugsanlega að hann komi til baka við lestur stjórnskipunarréttar.

Annars bakaði ég í gær. Bláberjamarengs. Bara afþví að ég átti eggjahvítur og bláber. Annars kom upp krísa í gær. Það er verið að mála húsið er við búum í. Við vorum vinsamlegast beðin um að fjarlægja allt af svölunum fyrir mánudaginn til að auðvelda málurunum aðgengi. Það gerðum við - aðallega Bjarni - samviskulega. Á þriðjudaginn ákváðum við þó að setja tvær fötur af berjum aftur út þar sem búið var að mála okkar svalir og berin þurfa að vera í kulda. Í gærkvöldi þegar ég ætlaði að taka aðra fötuna voru þær bara horfnar. Mér datt í hug að Bjarni væri að reyna að vera fyndinn. Það var þó ekki. Helv... málararnir höfðu tekið föturnar okkar! Bara eins og hverja aðra málningafötu. Ég sá ekkert fyndið við þetta í gær. Fannst bara eins og ég hefði verið rænd. Æddi í símann og hringdi í forstöðumenn skólagarðana til að fá nr. hjá verktakanum. Fannst þetta vera mál sem þoldi enga bið. Klukkan var hálfsjö að kvöld til og þeir svöruðu því ekki þessu brýna erindi mínu. Gott ef ég var ekki farin að leita að heimanúmeri mannanna þegar Bjarni kallar á mig að föturnar standi á lóðinni fyrir neðan svalirnar. Hann skokkaði niður og náði í þær. Ég kættist örlítið við þetta en er samt fullviss um að það sé minna í fötunni nú en áður!

Þrautseigja

2008-09-03T13:41:00.002Z

Ég er hér enn. Ekki enn búin að gefast upp á þessum netmiðli. Spurning samt um að láta gott heita... allir hættir að lesa blogg! Hvar eru Heklurnar, vinirnir og P.Pedersen?

Annars hefur margt gerst í sumar - flest allt af því góða. Ég er orðin 3 tönnum fátækari (auk nokkurra þúsundkalla) og einni hvítri MacBook ríkari (enn fleiri þúsundköllum fátæakri). Ég er búin að tína 9 kíló af berjum. Fara með Bjarna að tína villisveppi. Elda úr villisveppum. Fara í stelpupartý með typpaþema. Taka á móti gestum. Fara í brúðkaup. Almennt hafa það bara mjög gott.

Annað er það að frétta að ég er stórhrifin af 'strákunum okkar' í handboltanum - ath. þó að Alexander er enn í 1. sæti! Þá er ég ekki jafnhrifin af menntamálaráðherra og finnst að setja ætti kvóta á hana í viðtöl. Þá finnst mér að Ólafur F. Magnússon ætti heldur ekki að hafa óhindraðan aðgang að fjölmiðlum.

Skólinn er svo byrjaður og það eru blendnar tilfinningar sem ég hef til þessa lokárs í skólanum!

Flottasti veiðimaður landsins

2008-08-01T12:54:00.003Z

Hlustið á flottasta veiðimann landsins - og þó víðar væri leitað. Hann var í kvöldfréttum útvarpsins í gær og viðtalið má finna HÉR.

Svo vil ég óska ykkur góðrar verslunarmannahelgar. Sjálf verð ég eitthvað í 80's þemanu á AK, síldinni á Sigló og sælunni í sveitinni.

Sumarið er tíminn..

2008-07-25T13:11:00.008Z

...sem ég blogga lítið. En það hefur þó nóg verið um að vera. Fór suður í útskriftarveislu Stellunnar minnar. Hitti marga og allir hressir. Missti svo af tveimur næstu veislum sökum bágborinnar fjárhagsstöðu, háu verði olíutunnunnar og óhagstæðu gengi íslensku krónunnar.

Hins vegar fór ég í tannúrtöku. Ákvað að rífa eins og einn endajaxl úr og hinir þrír fara svo í ágúst. Vona að það gangi eins vel og þessi eini þar sem ég fann ekki fyrir þessu og mætti eldhress og bólgulaus í vinnuna daginn eftir.

Svo skellti við Bjarni okkur uppá Hraundranga fyrir stuttu. Eða kannski ekki alveg uppá drangana en alveg nógu nálægt. Til að staðfesta það set ég inn mynd til staðfestingar!

Og nei ég er ekki svona sólbrennd í framan - eingöngu rauð eftir átökin! Svo þegar lengra var komið heyrðum við í grjóthruni og lætin voru eins og að hestastóð hafi farið framhjá. Þá sló litla hjartað nú aðeins hraðar og ég neitaði að fara lengra!

En ég er ekki eingöngu orðin fjallageit heldur hinn mesti bakari. Áróran mín varð 5 ára nú fyrir stuttu og þá þýddi nú ekkert minna en ein bleik 5 ára kaka sem ég var sett í að reiða fram. Hér er afraksturinn (þarf ekki að taka fram að hún vakti mikla lukku):

Svo vil ég koma því á framfæri við sambýlingarnir gerðum fleiri kíló af fiskibollum um daginn úr fiski er sambýlingurinn veiddi. Svo tíndum við rabbabara og gerðum rabbabaragraut og rabbabarapæ. Eftir það fannst mér ég orðin svo sveitaleg að ég fór útí búð og keypti mér nýtt dagkrem, maska og hárautt naglalakk til að endurheimta pæjugenið.

Það er svo að frétta að veðrið er yndislegt og ég tel niður mínúturnar þangað til helgafríið tekur völdin. Bið ykkur vel að lifa og vona að þið eigið yndislega helgi.

2008-06-23T14:06:00.003Z

Eitthvað er leiðinlegum auglýsingum að fjölga í útvarpinu. Ástandið er orðið svo slæmt að ég gruna Rás 2 um að standa fyrir keppni um leiðinlegustu auglýsinguna. Sigurvegarinn er þó án alls vafa auglýsingin fyrir fatabúðina ZIKK-ZAKK. Hún er svo vond að ég fæ ónot í líkamann þegar ég heyri hana. Harða samkeppni veitir þó auglýsing Icelandair um vildarpunktana.

Annars er ég hress. Helgin var róleg og góð. Ég skúraði þó ekki gólfin eins og ég ætlaði mér. Setti ekki heldur í þvottavél. Það er því ennþá skítugt heima hjá mér - en ég er úthvíld.

Annað í fréttum er að ég er byrjuð að læra golf. Fer í sex kennslustundir - búin með tvo og framfarirnar gríðarlegar. Hitti kúluna núna í ca. tveimur af hverjum þremur tilraunum og hef ekki hitt aðra manneskju núna í þónokkurn tíma.

Ertu par eða stök?

2008-06-09T20:14:00.003Z

Fólki finnst voða skemmtilegt að bjóða öðru fólki í mat. Eða réttar sagt, pörum finnst voða skemmtilegt að bjóða öðrum pörum í mat. Var reyndar í matarboði á föstudaginn, ein/stök, hjá vinafólki Bjarna en önnur matarboð munu bíða þangað til ég kem í pari. Sem er samt svolítið furðulegt því það er miklu ódýrara að bjóða einum stökum í mat heldur en pari. Hefur einhver útskýringar á þessu?

Mér finnst hollensku landsliðsbúningarnir klikk flottir. Kannski appelsínuguli pervertisminn í mér hafi eitthvað með það að segja.

Drekkið mjólk:

Afhverju fæðast ekki börnin stærri...

2008-05-26T21:25:00.003Z

Þetta lag er ég búin að vera með á heilanum í rúma viku núna. Það versta er að ég kann bara þessa setningu og ekkert meira. Þetta fer að verða aaaansi leiðigjarnt. Veit hreint ekki hvort er betra að hafa þetta lag á heilanum eða eitthvað júróvisíon stef. Eins og mér finnst lag Grikkja leiðinlegt, Secret combination, þá festist það eins og lím. Það besta þó við Júróvisíon var litli sæti sænski stigagjafinn. Hann má sjá hér. Við Vigdís systur grenjuðum, bókstaflega, af hlátri og horfðum á þetta þrisvar í röð.

Annars fékk ég lítinn sætan næturgest á föstudaginn. Áróra vildi sleep-over og maður neitar því ekki. Það var þó ekki bara gleði þar sem ég þurfti að sitja yfir Barbie-söngvamynd í einn og hálfan tíma. Ég hef horft á þær margar teiknimyndirnar en þessi fer í top 5 yfir þær allra leiðinlegustu. Áróra var þó hin ánægðasta með þetta.

Sætasti frændi kom svo í sleep-over í gær og fylgdi honum engin Barbie-mynd. En þar sem hann er ekki lengur 4 ára eins og litla skottið þá er ekki beint hægt að sofa með hann uppí hjá sér, og eftirlét ég honum því rúmið mitt. Sjálf kom ég mér fyrir á aukarúminu sem ég plantaði í stofunni, og var það hreint ekki sem verst, nema í morgun þegar morgunsólin brenndi sér leið í gegnum augnlokin. Mér hafði bara hreinlega ekki dottið í hug að draga fyrir gluggann í gærkvöldi.

Annars er ég á leið til Húsavíkur á eftir til að ná í eitt stykki Guðmundu. Hlakka til!

2008-05-21T20:38:00.002Z

Leiðin að titlinum er í sjónvarpinu. Úff. Mér líður ekkert betur eftir að hafa horft á hann. Sem minnir mig á að Arnar Laufdal hefur ekki enn svarað tölvupóstinum sem ég sendi honum fyrir um ári síðan. Hann er kannski enn að melta svarið.

Nýjustu fréttir eru þær að ég er komin með nýjan sófa. Fékk þá hugdettu fyrir nokkru og sófinn var kominn heim nokkrum dögum síðar. Afþví að ég bar hann upp. Þetta eru góðu fréttirnar. Slæmu fréttirnar eru þær að sófinn er svo þægilegur að ég fer helst ekki úr honum. Síðasta laugardagskvöld, meðan fólk naut lífsins með vinum, kunningum, bjór og tónlist, lá ég heima uppí sófa og hefði ekki farið úr honum fyrir minna en stefnumót við Alexander Petersson.

"Nærbuxnakonan" kom í vinnuna í dag. Setti allan fatnaðinn upp í fundarherberginu og svo máttum við bara skoða og panta. Það er svo hættulega auðvelt að versla svona. Þú sérð eitthvað sem þú vilt og konan skrifar niður pöntunina og svo labbarðu bara í burtu. Engir peningar og engin kort. Verður bara dregið af laununum þínum næstu mánaðarmót. Og já, fyrir þá sem ekki vita þá koma oft "sokkabuxnakonur" og "nærbuxnakonur" í fyrirtæki til að selja vörurnar sem þær hafa. "Nærbuxnakonan" sem kemur til okkar er með æðisleg nærföt, boli og barnaföt. Eðal bómullar dásamlegheit.

Enga aumingja-góðmennsku takk!

2008-05-11T19:28:00.002Z

Ég hef ekki heyrt góðar fréttir af Reykjavíkurborg það sem af er þessu ári. Það nýjasta er miðbæjarforsetinn, eða hvað hann er nú titlaður. Jakob Frímann Magnússon. Hann mætti einmitt í þátt Sigmundar Ernis í kvöld. Þetta stutta brot sem ég sá af þættinum var hræðilegt. Manninum algjörlega til minnkunar. Hann talaði mjög niður til Dags B. Eggertssonar þar sem biturleikinn skein í gegn. Fékk pínu svona kjánahroll. Svo fannst honum mjög mikilvægt að koma því á framfæri að hann væri ekki kommúnisti og alls enginn femínisti. EN hann vildi jafnrétti. Ehhh... Honum lét þó ekki staðar numið þar heldur hélt áfram og tilkynnti það að báðar barnsmæður hans væru sjálfstæðar konur og alls engir femínistar. Þær vildu enga aumingja-góðmennsku! WHAAAAAAT! Hvernig dettur manninum í hug að láta þetta út úr sér - og þá í sjónvarpi!? Vilja femínistar aumingja-góðmennsku? Það hef ég bara aldrei heyrt. Og hann sagðist ekki geta samsvarað sig þeirri skilgreiningu á femínisma sem viðgengst í samfélaginu. Sú skilgreining er eftirfarandi: Femínisti er sá sem veit að jafnrétti hefur ekki verið náð og vill gera e-ð í því. Ég skil hann því ekki betur en svo að hann viti að jafnrétti hafi ekki verið náð en ætlar sér sannarlega ekki að gera neitt í því. Mikið sem Reykvíkingar eiga góða daga í vændum.

AK city

2008-05-07T12:40:00.007Z

Þá er Danmerkurdvölinni lokið og lífið komið í rútínu. Eins og dvölin var yndisleg var brottförin leiðinleg. Ekki einungis vegna kveðjustundarinnar heldur flugvallastarfsmanna. Þeir lögðu kapp sitt á það að gera mér lífið leitt. Þar var það staðfest að danir eru rúðustrikaðasta fólk sem til er.

Flugvallardramatíkin byrjaði í raun í Metro-inu á leið uppá völl. Ferð sem venjulega tekur ekki hálftíma tók okkur rúma klukkustund. Eftir þá skemmtiferð var haldið í tax-free skemmtun. Samviskusamlega fór ég í tax-free búlluna áður en ég tékkaði mig inn svo þeir gætu nú gramsað í farangrinum mínum. Eftir 20 mín. bið á eftir íslenskum konum sem höfðu verið í helgarferð í köben tók gæinn aðeins við annarri nótunni minni. Benti mér á að fara í Danske Bank við hliðina á með hina. Þar tók við önnur álíka bið. Þegar röðin kom að mér var ég með allt klárt og hún var að fara að dúndra stimplinum á þegar hún biður um brottfararspjaldið. Ég læt hana hafa útprentaðan e-miðann minn sem þó stóð á að brottfarardagur væri 10.maí - sem það var upphaflega. Konan hreytir í mig að hún geti ekki stimplað þetta þegar ég hef þessa dagssetningu á útprentinu. Ég verði að koma aftur þegar ég er búin að tékka mig inn!! Þarna var mig pínu farið að langa að öskra.

Allt gekk vel í sjálfsinnrituninni, þangað til ég fór með farangurinn! Konan leit á vigtina og sagði að þar sem ég væri með 24.8 kíló þyrfti ég að borga auka. Ég átti voða bágt með mig þar sem ég hef oft ferðast mun þyngra og aldrei þurft að greiða krónu fyrir það. En ég rétti henni kortið mitt með samanbitnar varir en nei! Auðvitað átti ég ekki að greiða þarna heldur hinu megin í salnum! Hefði getað sagt mér það sjálf. Við röltum hinu megin í salinn þar sem tekur á móti mér skælbrosandi afgreiðslumaðurinn. Hefði ég verið með eitthvað í höndunum hefði ég grýtt því í hann. Ég segi ekki orð heldur rétti honum blaðið með upphæðinni og debetkortið mitt. NEI. Þeir taka ekki við svona debetkorti. Ég starði á hann þar sem hann sat skælbrosandi eins og fífl og langaði ekkert meira en að skall'ann. Eða jú, mig langað reyndar meira bara til að fara að grenja. Bjarni sá geðheilsuna taka all svakalega dýfu og rétti skælbrosandi hálvitanum kreditkortið sitt. 300 DK kr. fyrir þessi skitnu 4.8 kíló.

Ég henti tax-free nótunum sem ég átti að fá stimplaðar í Danske Bank því þolinmæðin var bara á þrotum.

Eftir alla dramatíkina við skrifstofublókir danaveldis tók við kveðjustundin. Tárvot gekk ég síðan til móts við öryggishliðið á Kastrup þar sem verðirnir fá ekki greitt aukalega fyrir að brosa.

Hið illa alteregó

2008-04-27T10:52:00.003Z

Ég fékk allt í einu aumingjahroll yfir að halda úti bloggi. Finnst það að hluta til kjánalegt, en að hluta nokkuð gagnlegt. Allt í rauninni eftir því hvað skrifað er inn á bloggið. Þarf að melta þetta aðeins betur. Þarf líka að hugsa aðeins betur um hommabakþanka Ólafs Sindra. Fannst pistillinn fyndinn. Síðasta setninginn stakk mig þó. Aumingjagóðmennskan kom upp um mig, ég er bara ekki nógu svöl til að vera kaldhæðin innað beini og vera með 'fokk-it attitjúd'. En þar sem mér fannst Ólafur Sindri þessi skemmtilegur penni fór ég inná bloggið hans. Sem var í raun hvorki kjánalegt né gagnlegt. En bæði skemmtilegt og ekki. Ég var alls kostar ósammála hugmyndinni er hann setti fram í færslunni Madama Tobba en hló og las upphátt fyrir nærstadda (Bjarna) úr færslunni Lytla sistir Mengellu. Þá fór ég að pæla hvort ekki væri mun skemmtilegra að halda úti alteregói á netinu. Ekki þó að ég hafi tíma í það eða nennu - og í raun ekki karaktersköpunarmáttinn í það. Ekkert gaman að skapa alteregó nema það sé uppá kant við alla, ögri og meiði, særi og græti. Ég hinsvegar, hvers manns hugljúfi, gæti það ekki. Og ef ég fæ löngun til að særa, græta og meiða þá geri ég það bara undir nafni.

Ég er svo lélegur bloggari

2008-04-23T18:38:00.006Z

Það er næstum að ég skammist mín fyrir það. En geri það samt ekki. Það er þó ýmisslegt að frétta síðan síðast. Síðasta föstudag fórum við til Óðinsvé. Og til gamans má geta að síðasta föstudag var einmitt hinn "Store Bededag" haldinn hátíðlegur og allt lokað. En danir, þessar elskur, hafa lært sitt hvað af Íslendingum og það var því allt opið sem ég þurfti að nota þennan dag. Er við komum til Óðinsvé var æðislegt veður og ég varð strax voða hrifin. Allt var svo hreint of fínt miðað við Köben, engin umferðarhávaði og allir bara í tjillinu. En svo virðist sem bílafólki finnist nauðsynlegt að taka hljóðkútinn undan bílnum þegar það keyrir framhjá húsinu okkar, og ágerist það eftir því sem á líður kvöldið. Ég er farin að gruna að það séu einstaklingar sem fái greitt fyrir þetta - bara til að pirra mig! En ekkert slíkt í Óðins, ó neinei. Þar fórum við í dúndur matarboð! 3ja rétta! Held ég sé ennþá södd. Og með öllum matnum var drukkið. Vel eftir miðnætti, þegar búið var að fara á trúnó (sem var svo ekki trúnó), spila gítar-hero og vera með almenna fyndni var kominn tími til að spila. Ég lærði þar nýtt spil, og jú það er ekki það flóknasta en ég gef mér samt kredit fyrir að hafa lært það eftir 2 Jagermaster-skot, 2 Galliano skot, 1 Screw-driver og fjölda glasa af hvítvíni og bjór. PLÚS það að ég man það enn!!

Hluti af veigunum sem í boði voru...

Laugardagurinn var síður en svo tekinn í leti. Við vorum ræst í þennan líka rosalega brunch. Ég experimentaði með amerísku pönnukökurnar og vílaði ekki fyrir mér að setja smá beikon oná eina slíka með smjöri og sýrópi. Mæli með þessu - en þetta gerir maður bara svona einu sinni á ári! Þegar maturinn farinn að koma útúr eyrunum á mér var ákveðið að fara í bæinn. Við röltum í gegnum bæinn og enduðum á listasafninu - Brendts. Þar voru mjög skemmtilegar sýningar í gangi og afar skemmtilegt. Safnið er á 3 hæðum og því nóg að skoða. Skemmtilegast fannst mér sýningin sem hafði að geyma hin ýmsu herbergi, m.a. herbergi sem var eins og skip og veitti manni sjóveiki - afhverju mér fannst það skemmtilegt í því ástandi sem ég var, veit ég ekki! Eftir góða syrpu á safninu skelltum við okkur á kaffihús og eftir það var farið að huga að heimför. Mikið sem var þreytt, en ánægt, fólk sem skreið heim til sín um níu leytið á laugardagskvöldið.

Sunnudagurinn var svo helgaður túrisma. Fórum á Nyhavn og þaðan til Amalienborg, kíkt við hjá litlu hafmeyjunni og þaðan var farið hring í Kastallet. Mjög effektívur dagur. Við Bjarni fengum þó bæði nettan túristahroll þegar við mynduðum litlu hafmeyjuna en hann hvarf fljótlega þegar við sáum metnaðinn hjá hinum, fólk var tiplandi á steinum, þangi og öðrum sjávargróðri, til að nást á mynd með styttunni.

Sjálfri fannst mér skemmtilegast að mynda Bjarna við að mynda. Hérna er Bjarni með svönunum...

Átti svo rosa góðan dag í gær með Guðnýjunni minni. Fórum út að borða í gærkvöldi á ítalskan stað - man ekki nafnið - og ALLIR ítalarnir sem voru að vinna afgreiddu okkur, þeir hafa verið ca. sjö talsins. Guðný sá um að panta og svo notuðum við óspart bara Grazie! við hvert tækifæri. Þeir töluðu svo bara ítölsku og allt gekk ljómandi. Rétt áður en við förum kemur einn ítalinn og segir eitthvað, sem hvorug okkar skilur, og hann horfir á Guðný og spyr hvort við tölum ekki ítölsku? Nei, segir hún. Þá brosir hann bara og segir, aahh only grazie! Mér fannst það svo fyndið að ég táraðist.

Við Gudda hressar - erum reyndar í Malmö hérna en vorum álíka hressar í gær

Þegar ég kom heim ákvað ég að setja á mig hunangs-maska. Húðin varð alveg silkimjúk...
Var ein heima svo sjálfsmyndataka varð það að vera. En þegar Bjarni sá myndina sagði hann bara hey, þú ert eins og bráðnandi vaxmynd!

Hér er ég!

2008-04-14T19:46:00.006Z

Já, ég er sumsé komin frá Osló. Æðislegt að vera þar. Gerði ýmisslegt þar líka. Fór t.d. með stelpurnar í skólann og sótti þær, rölti í bænum, sá konungshöllina (en ekki konungsfjölskylduna - þau vildu ekkert með mig hafa! Fannst ekkert merkilegt að pabbi héti líka Haraldur né fannst þeim mikið til kaffi-þekkingar minnar koma!). Sá Oslóar-háskólann og fór í H&M. Hitti Ingu á kaffihúsi, sá Holmenkollen, fór í heimsókn með mæðgunum, borðaði góðan mat, drakk bjór og horfði á norska sjónvarpsdagskrá.

Konungshöllin... mátti ekki koma nær eftir að ég reyndi að múta verðinum!

Aðalbygging Oslóar-háskólans

Og þarna er lagadeildin til húsa... varla sjáanlegur munur á þessu húsi og byggingu HA...

Og svo loks ég... já og Osló er þarna í baksýn

Kom aftur til Köben þar-síðasta sunnudag. Síðan þá hef ég líka gert ýmisslegt. Kaffihús, þrif, laaaaangar gönguferðir, fótboltaáhorf, borðaði egg-í-hakki, fór út að borða með Bjarna, pabba hans og bróður og svo í dýragarðinn á laugardaginn. Hef aldrei komið í dýragarðinn áður og fannst þetta alveg magnað! Fannst bavíanarnir laaaang skemmtilegastir. Eyddum mestum tíma þar - sækjast sér um líkir. Á laugardagskvöldið fórum við Bjarni svo í matarboð til Guðnýjar og Caspar. Dýrindis risottó var borið á borð fyrir okkur og svo náðum við líka að stúta hva... nokkrum vínflöskum allavega yfir Kana, sem ég svona líka skít tapaði. Eftir það var haldið á hverfispöbbinn sem hafði að geyma djúkbox og fyndna fastakúnna. Ekki skemmdi ljótu-dans-keppnin okkar Caspar fyrir. Kvöldið var í alla staði æðislegt.

Myndir frá Osló eru HÉR! Þið þurfið notendanafn og leyniorð til að komast inná það. Þá er bara að spyrja... msn-ið mitt virkar, síminn er í lagi og hægt er að senda e-mail milli landa!

Myndir frá síðustu viku, og þá aðallega dýragarðinum (bavíönunum) og hressa matarboðinu, koma inn núna von bráðar. Eflaust ekki á morgun - verð busy í Malmö með Guðnýju.

Heia Norge

2008-04-02T20:15:00.004Z

Er komin til Norge. Ákvað að deila því með ykkur. Fíla Noreg. Það er reyndar rigning hérna, en það snjóar víst á AK svo ég kvarta ekki mikið. Annars verð ég að segja ykkur frá því að það er alltaf eitthvað fólk að stoppa mig úti á götu í Köben og tala við mig dönsku. Ég sem hélt einmitt að ég væri svo ótrúlega ó-dönsk í útliti. Í fyrsta skipti sagði ég bara 'nej, jeg snakker ikke dansk' Gellan horfði á mig eins og ég væri fífl. Núna síðast var það maður í metro-inu sem fannst nauðsynlegt að sýna mér grein í blaðinu sem hann var að lesa. Ég skildi hann nú nokkurn veginn og brosti bara og sagði 'ja'! En hann var ekkert hættur og spjallaði bara og spjallaði. Þegar hann fattaði að ég var ekkert að leggja til málanna spurði hann hvort ég væri kannski ekki dönsk. Ég neitaði því og sagðist vera frá Íslandi. Þá hélt hann bara áfram á dönsku að segja mér sögur þegar hann fór til Reykjavíkur. Eitthvað situr nú í mér af skóladönskunni þar sem ég skildi mest megnis af því sem hann sagði. Ég svaraði svo bara á minni skandinavísku sem hann virtist skilja. Nema hann brosti bara og sagði 'ja'

Enn fleiri myndir af íbúðinni - mætti halda að hún væri fleiru hundruð fermetrar...

Skrifborðið hans Bjarna

Skrifborðið mitt

Skóbúnaður til skammar

2008-03-31T21:08:00.006Z

Þið góða fólk sem hafið sýnt baðherberginu okkar mikinn áhuga. Hér má sjá gersemina:
Alls ekki eins lítið og eldhúsið gaf til kynna.

Annars er það að frétta að ML verkefnið gengur eitthvað hægt. Hvort það er góða veðrið, búðirnar, letin eða athyglisbresturinn er ekki gott að segja. Annars er það að frétta að ég hef labbað meira núna síðustu viku en allt síðasta ár. Kom heim áðan gjörsamlega búin í löppunum. Í stað þess að Bjarni sýndi meðaumkun spurði hann í hvaða skóm ég hefði farið í þessa svaðilför. Ehhh... svörtu stígvélunum, sko þessum með lægri hælnum. Hann horfði bara á mig, með svip sem menn setja upp þegar þeir eru aumingjagóðir, og beið eftir að ég áttaði mig á samhenginu. Ég þvertók hinsvegar fyrir að skóval mitt hefði þessi áhrif á lappirnar á mér. Þetta kallast nú varla hælar! Og strigaskór pössuð bara engan veginn við fötin sem ég var í. Þegar ég benti á þessa staðreynd fékk ég enn verri svip og spurninguna Hversu marga þekkirðu eiginlega í Köben? Heldurðu að fólk á götunni sé að pæla í hvaða skóm þú ert? Ég reyndi rökin: Ég klæði mig bara upp fyrir sjálfa mig! en þetta var lost cause. Bjarni er kominn í lið með föður mínum um að úthrópa skóbúnað minn. Það fyrsta sem pabbi sagði þegar ég tjáði honum að ég hafði flogið á hausinn/hnéð í hálkunni (sjá mynd af meiðslum í færslu fyrir neðan) Já, það hlaut að koma að þessu ha! Svo mikil var sú meðaumkun.

Hér gefur svo að líta rúmin:

Og þetta er útsýnið okkar. Sem betur fer eru nokkrir þarna hinu megin með huge-ass plasma skjái.

Svo er það Osló á miðvikudaginn lömbin góð, fram á sunnudag. Verð með ísl. númerið þar en er annars komin með danskt númer. Man ekki alveg hvað það er. Það byrjar samt svona (0045) 40... svo koma 6 stafir í viðbót. Þið getið tékkað hvað þið þurfið margar tilraunir til að ná því rétt! Annars skal ég setja það í komment hérna síðar.

Hjalti. Varðandi tjaldaðstöðu. Við verðum ekki hér í ágúst en hér býr hið fínasta fólk, sem eflaust væri sama þó þið mynduð koma ykkur upp tjaldaðstöðu hér á sementinu í bakgarðinum. Þar er ekki stingandi strá en hinsvegar ágætis körfuboltavöllur.

Sálargæði gefa andlitsfegurð

2008-03-24T20:04:00.007Z

Blogg frá Köbenhavn. Kommentarar eru orðnir soltið svona kröfuharðir finnst mér. Fólk sem lætur ekki bjóða sér hvað sem er. Ég skal reyna að standast væntingar og verða við sem flestum kröfum, t.d. ekki blogga um ástand þjóðfélagsins, prófa bjórsmökkun og fleiri myndir.

Það er vetur í Köben. Bara allt í einu. Eða páskahret eins og þeir vilja kalla þetta. Ég var aldeilis ekki viðbúin þessu og er því búin að þurfa að klæðast tveimur peysum í það minnsta innan undir jakkann. Það er eins gott að þessu fari að linna svo ég geti farið að skottast úti á gammó og gallajakka.

Annars er búið að vera voða kósý síðan ég kom. Við erum aðeins búin að kíkja í bæinn og útdeila páskaeggjum svo Íslendingarnir hérna gætu vaknað á Páskadagsmorgni, kveikt á barnaefninu og borðað páskaegg og drukkið mjólk. Sumt vex einfaldlega ekki af manni. Ég á þó ennþá rúmlega hálft páskaeggið eftir því það skemmtilegasta við páskaegg finnst mér málshátturinn og súkkulaðið sem er notað til að festa ungann og skrautið á eggið. Málshátturinn í ár var: sálargæði gefa andlitsfegurð! Þið megið svo endilega, svona á milli þess sem þið setjið útá þetta blogg, segja mér ykkar málshátt... eða ekki. Þið ráðið því svosum.

Annars fáiði aðgang inná myndasíðu næstu daga, en þangað til set ég nokkrar hingað inn...

Keiluskórnir góðu

Ég datt svona skemmtilega í hálku fyrir utan Staðarskála - það fyrsta sem ég hugsaði var: Ef ég meiðist þá fer ég fram á skaðabætur!

Þetta er eldhúsið okkar hér í Köben... huggulegt!

Og þetta er eldhúsborðið! NB. báðar þessar myndir eru teknar úr rúminu!

Þessi mynd er bara fyrir Hjalta. Bjórinn var ódýr, 3 kr., og bragðaðist ágætlega, eiginlega bara eins og Heineken!

Annars vona ég að þið hafið notið páskanna, borðað páskaegg, minnst krossfestingu Jesú og upprisu hans. Þangað til næst lömbin mín...

Skuldsett og berbrjósta

2008-03-19T17:56:00.003Z

Skólasetu er lokið þessa önnina. Nú taka við ML skrif - útí kóngsins Köben. Það sem það verður ljúft. Veit samt ekki hversu mikill tími mun fara í það þar sem hún Guðný virðist vera komin með margna blaðsíðna aðgerðarlista fyrir okkur!

Annars eru umhugsunarefnin mörg. Allt virðist vera að fara fjandans til í efnahagslífinu og allt nýríka liðið berst í bökkum við að halda í nýbyggða einbýlishúsið uppí grafarholti og stóru amerísku bílana sem þau tóku á lánum því dollarinn var svo lágur. Aumingjans námsmenn eins og ég berst einnig við að borga leiguna og bílinn þar sem allt virðist fara hækkandi nema blessuð lánin og launin. Það er vandlifað í þessum heimi.

IKEA á einhverja þá alverstu auglýsingu mánaðarins. Þegar foreldrarnir koma heim til að hitta nýja makann og sjá þar standa þennan fíngerða ítala (eða er það spánverji), höndla það ekki og fara að hrósa eldhúsinnréttingunni. Ég er bara ekki að kaupa þetta.

Svo er berbrjósta kvenmönnum bannaður aðgangur að sundlaugum Hveragerðis. Ég á þó eftir að mynda mér skoðun á því efni. Hluti af mér öskrar valfrelsi valfrelsi en hinn hlutinn tengir ennþá brjóst við e-ð kynferðislegt því það er jú vitað að kvenkynsbrjóst er eitthvað sem karlmenn heillast af á kynferðislegan hátt - eitthvað sem ég skil samt ekki alveg. Samt finnst mér allt í lagi þegar konur eru berbrjósta á sólarströnd. Þetta tengist eflaust eitthvað vanafestu. Við erum bara ekki vön að sitja í heitapottunum með fullt af fljótandi brjóstum í kring. Já, þetta er áhugavert.

En nú er ég rokin í mat til Stellu & Hrafns sem mér tókst svo fínlega að bjóða sjálfri mér í.

Londonferð og lasleiki

2008-03-11T09:46:00.002Z

Ég er lasin. Er með vírus. Með hita og rödd eins og Bonnie Tylor. Hugguleg. En ég nýti þá bara tímann í að segja ykkur ferðasögu.

Nú er um vika síðan við komum frá London. Árshátíð með vinnunni. Komin á KEF um sex leytið á laugardagsmorgni. Þakka gvuði fyrir Kaffitár á Leifsstöð. Við þríeykið, ég, Maddý og Ægir stormuðum síðan um stöðina í um tvo tíma í misgáfulegum erindagjörðum. Flugferðin út var afar skemmtilegt, þökk sé Ægi og flugþjóninum. Kapphlaup inní hótel lobbí til að tékka okkur inn til að ná leiknum. Töskunum var hent inná herbergi og svo ætt út í tube-ið sem tók okkur á Uptown Park þar sem leikvangur West Ham er. Það var rosa upplifelsi að ganga frá stöðinni í átt að leikvanginum þar sem áhangendur fylktust þangað syngjandi, kallandi og drekkandi. Við hittum vinafólk Ægis sem voru svo yndisleg að redda miðunum og héldum öll uppí stúku. Það er ekki hægt að segja að leikurinn hafi verið spennandi en lokatölur voru 0-4 fyrir Chealse, en skemmtilegur var hann engu að síður. Eitthvað sem ég mun pottþétt gera aftur en þá fer ég á leik með mínu liði (glory glory man. utd.). Bjarni kom svo í hálfleik - missti reyndar af 3 mörkum og einu rauðu spjaldi - en var nokkuð sáttur. Við Maddý sýndum hetjutakta með því að freista þess að kaupa bjór í hálfleik. Það tókst eftir mikla mæðu og þegar bretarnir sáu okkur stúlkurnar bera 10 bjóra gátu þeir ekki orða bundist og kölluðu okkur hetjur og greiddu leiðina fyrir okkur úr þvögunni - stundum er gott að vera stelpa. Eftir leikinn var haldið á stuðningsmannapöbb West Ham, held hann heiti The Queen, og surprise... hann var teppalagður!

Eftir gott stopp og bjórdrykkju þurftum við víst að mæta á eitt stykki árshátíð. Við vorum örlítið sein á því og þegar við gengum inn voru allir sestir og forstjóri fyrirtækisins að flytja ræðu. Hentugt þá að sitja á fremsta borði! Maturinn var ekkert spes og veislustjórnin ekki heldur. Atriðið okkar var laaaang skemmtilegast. Það eru ekki allir sem sýna á ABBA-sjóvi útí London. Eftir mat flúðum við upp á herbergi og héldum herbergja-partí þar sem Einar Ágúst og hljómsveitin Taktík, sem spiluðu fyrir balli, höfðuðu ekki til okkar. Furðulegt.

Sunnudagurinn fór í túrisma og verslunarleiðangur. Við Maddý höfðum spottað Primark búð sem var í 2ja mín. fjarlægð frá hótelinu og þangað var ferðinni heitið. Bjarni fékk athyglisbrest eftir 5 mín. veru í búðinni. Hann sá í hyllingum rólegan stað með bjór í hönd en ekkert varð úr því þar sem Ægi fannst búðarferðin æði og notaði orð eins og 'sætt' 'krúttlegt' og 'æðislegt' óspart. Eftir Primark var haldið til London Eye - gangandi! Garmin-tækið hans Æsa vakti mismikla lukku ferðalanganna - sumir vilja jafnvel meina að það hafi valdið afbrýðissemi. Hr. Garmin fékk þó ekki leið á að dásama tækið og skilaði það okkur að lokum í London Eye. Um kvöldið borðuðum við síðan á yndislegum stað með einhverjum þeim besta mat sem ég hef smakkað - Busaba heitir hann og er í Soho. Ég mæli óhikað með honum. Hr. Garmin leiddi okkur líka þangað, ramblandi útum allt - mesta mildi var þó að hann slasaði sig ekki á leiðinni, svo mikill var áhuginn á tækinu að hann mátti varla vera að því að líta upp. Eftir ófáa branda á kostnað Hr. Garmin var tækið sett niður og ekki tekið upp restina af ferðinni.

Mánudagurinn fór í H&M - eingöngu. Fórum í allar H&M búðir sem Oxford Str. hefur uppá að bjóða. En svo var mál að halda uppá flugvöll. Við Bjarni kvöddumst á við tékk-inn þar sem við vorum á sitthvoru terminalinu og drattaðist ég með turtildúfunum inná Heathrow tárvot, súr og þreytt. Í annað skipti á stuttum tíma sem ég fer í flug var tilkynnt um vélarbilun og þurftum við að bíða uppí vél þangað til vandamálið var lagað. Get ekki sagt að það hafi hjálpað til við semí flughræðsluna sem ég er haldin. En heim komumst við nokkuð heil og sæl eftir vel heppnaða árshátíðarferð.

Myndirnar eru næstum til, en Bjarni var frekar duglegur á myndavélinni. Ég mun setja linkinn hérna inn von bráðar.

Ýmist gagn eða gaman

2008-02-28T14:39:00.002Z

Ohh ég er svo væld. Þar sem ég get ekki talað um annað en London og húsaleigurétt þessa dagana þá tók ég 'bulletin' sem ég fékk á Myspace og henti því hingað inn. Þetta eru eiginlega ekkert skemmtilegar spurningar né gagnlegar - ég er samt búin að taka út sirka helminginn af þeim. Þegar ég var búin að þessu var ég strax farin að sjá eftir þessu - en ætla samt að láta þetta standa. Afhverju - veit ekki. Hugsanlega af því að þetta gæti verið ykkur til gamans - algjörlega útséð um að þetta verði ykkur til gagns. Kannski að næsta blogg verði um húsaleigurétt. Það myndi vera ykkur til gagns - en á hinn bóginn ekki til gamans.

Eitt varðandi London - 2 dagar... 2 DAGAR.

1. Where were you THREE hours ago?
Í sömu skólastofunni og ég er núna

2. Who was the last person you talked to on the phone?
Konu í þjónustuveri Símans... láðist að fá nafnið á henni.

3. Have you bought any clothing items in the last week?
Já, keypti mér svartar bómullarbuxur.

4. Do you miss anyone?
Já, það geri ég. You people know who you are...

5. Last movie you saw?
Held það hafi verið Wedding Daze. Lá ein uppí rúmi og táraðist alveg úr hlátri. Bjóst engan veginn við því að hún væri svona fyndin.

6. Did you have fun today?
Dagurinn byrjaði á vaxi og svo beint í tíma um húsaleigu- og fasteignakauparétt... Get ekki sagt að það sé mín skilgreining á 'fun'

7. Who is your last text message from?
Eflaust frá Maddý

8. What do you know about the future?
Ég veit ýmisslegt get ég sagt ykkur... sem ég ætla ekki að segja ykkur.

9. Who was the last person you rode in a car with?
Pabbi skutlaði mér í skólann þar sem það er skortur á bílastæðum þar

10. Do you have any tattoos or piercings?
Nei og nei

11. Have you ever watched a movie and just “had” to do what they did?
Njaaa... ég man ekki eftir því, en eflaust hef ég gert það

12. Do you have a “face” you make in the mirror?
Ég held ekki, en sumir vilja meina það

13. Ever use someone else’s toothbrush?
Jámm

14. Can you whistle?
Ég get rétt svo flautað... á margra ára þjálfun eftir í blístrinu

15. Can you wiggle your ears?
Nei - og mun seint skilja hvernig það er hægt.

16. You have a song that comes on that you just “have” to turn up and sing to?
Já já, þau eru þó nokkur. Nýjasta æðið er lagið hennar Fabúlu sem Ragga Gröndal syngur.

Fyrirsögn óskast

2008-02-26T15:06:00.002Z

Oft skrifa ég lítið hér inn því það er lítið að gerast. Nú er hinsvegar svo mikið um að vera að ég má ekki vera að því. Það hefur ýmisslegt gerst síðustu daga - mis áhugavert þó. Ég skrapp suður um daginn á Stóru Háskólakynninguna sem haldin var í Ráðhúsinu. Við áttum flug á laugardagsmorgni en fengum 3 sms með tilkynningu um seinkun. Loks komumst við þó uppí vel og í 17 þús. fetum fer flugstjórinn að tala. Hann afsakar seinkunina sem orsakaðist víst af vélarbilun en að þeir hafi náð tökum á því. Ég get ekki líst þeirri tilfinningu sem ég fékk við þessar upplýsingar mörg þúsund fetum yfir hálendi Íslands. Vélin lenti þó heilu og höldnu og ég komst líka heim daginn eftir, eftir skemmtilegt aðflug að Akureyrarvelli.

Brjálað að gera í skólanum. Nú er tveimur áföngum lokið; félagarétti og refsirétti. Nú er það húsaleigu- og fasteignakauparéttur. Þvílík skemmtun sem það er.

Goðamótið var í Boganum síðustu helgi og Rakel Birta fótboltagella fór á kostum. Að sjálfsögðu mætti ég, vel dúðuð sökum nístingskulda í húsinu, og var fljótlega farin að öskra á hliðarlínunni. Svaka stemming í húsinu og endaði þeirra lið í 3. sæti eftir magnaðan lokaleik. Næstu helgi mun ég þó aftur mæta á völlinn. Þá reyndar heimavöll West Ham til að sjá nágrannaslaginn West Ham - Chealse. Því jú, ég er á leið til London beibí.

2008-02-09T21:28:00.000Z

Það er svoooo margt sem brennur á mér þessa dagana. Byrjum á REI málinu... þó svo flest allir landsmenn séu búnir að fá meira en nóg af málinu. Ég held jafnvel að það mál hafi komið nóróveirusýkingunni af stað á sínum tíma. En ég hef aðeins eitt að segja! Ætlar enginn að segja af sér??? Ætlar sér enginn að standa upp og axla ábyrgð á þessu klúðri? Eru þessir embættismenn á Íslandi negldir í helvítis stólana sína!? Svona þekkist bara ekki annarsstaðar. Í staðinn koma þeir tárvotir fram í sjónvarpið og segja: jaaa.. jú, einhver þarf nú að bera ábyrgð á þessu! Ætlast hr. Villi til að hann fái að sitja aftur sem borgarstjóri? Og heldur þessi stjórn að þeir fái bara að sitja þarna óáreittir án þess að segja orð. Og hvurslags vinnubrögð eru það að láta bara ekki ná í sig! Þegar málum er svona háttað þá kemur þú fram og situr fyrir svörum. Ég væri til í að fá einhvern alvöru fjölmiðlamann/konu til að hamra á þessum spurningum og leyfa þeim ekki að komast undan með þessum klassísku pólitíkusarsvörum þar sem mikið er talað en engu svarað.

Oooog já, þar með er það útrætt. Svo er það auglýsingin frá Símanum þar sem kötturinn gleypir gæjann. Hvað er það? Þvílík djöfulsins vitleysa. Þá vel ég frekar auglýsinguna um Geymslur!

En við Maddý og Magga fórum á Sprengjuhallartónleika í gær, sem haldnir voru beint á eftir frumsýningu Fló á skinni hjá LA. Sýningin tókst víst vonum framar og stefnan er sett á að sjá meistaraverkið núna í byrjun mars - það er víst uppselt fram að þeim tíma. Svo í dag fórum við Magga og co. á opnun ljósmyndasýningu hjá Gísla (aka Villimanninum). Mjööög flott sýning hjá honum og nokkrar myndir þarna sem ég væri afar til í að fá á veggina hjá mér. Á morgun er það svo afmæli hjá uppáhaldsfrænda.

21 dagur í London...

2008-02-04T23:38:00.000Z

Einn áfangi búinn á önninni; félagaréttur. Nýr byrjaði í dag; refsiréttur. Sem sumum finnst pervertískt nafn... Ég ætla ekki að tjá mig um það. En þetta leggst vel í mig. Svo er það að frétta að við norðlendingar erum að snjóa í kaf. Svalirnar mínar eru að fyllast af snjó. Ég get opnað ca. 2 cm. rifu á svalahurðina. Ég þarf að skafa af bílnum mínum í hvert skipti sem ég nota. Stígvélin mín eru ekki vænlegur skókostur. Þetta er rosalegt ástand.

Mikið er Skype mikil snilld - og innbyggðar myndavélar í tölvur. Gerir lífið auðveldara á stundum sem þessari. Og aldrei skal vanmeta msn!

Fór í kvöld (eða gærkvöldi ef þessi færsla birtist eftir miðnætti) að heimsækja uppáhalds litla Rökkvan minn. Hann ældi á mig eins og venjulega en fannst ég samt mjög fyndin. Finnst það hrós að 2ja mánaða gömlu barni finnist ég fyndin. Þarf greinilega ekki þróaðri húmor en það.

Viskuorð dagsins eru í boði Cato the Elder sem lifði á árunum 234 BC-149 BC:

We cannot control the evil tongues of others; but a good life enables us to disregard them.

Norðlendingurinn tæknivæðist

2008-01-25T16:12:00.001Z

Ég er komin með mac-tölvu. Ekki alveg nýja svosem en mér er sama. Mér tókst að senda gögn með bluetooth á milli tölvunnar og símans áðan. Er því komin með fullt af skemmtilegum hringingum í símann minn og allar símamyndirnar í tölvuna. Ég er að setja upp rosa fína myndasíðu sem útvaldir munu hafa aðgang að. Ég er að læra á photoshop. Munu því allar myndirnar á myndasíðunni vera í toppgæðum og ég mun vera 'flawless' á öllum myndunum. Ég hef séð flest allar myndir sem eru að skríða í bíó hér á landi. Ég er í óða önn að fylla itunes með eðal tónlist til að setja á ipod-inn, ipodinn sem ég ýmist tengi við græjurnar eða hef í bílnum! Ég er að kynnast nýjum heimi - tækniheiminum. Hann er rooosalegur. En eitthvað verður undan að láta þegar maður nýtir allan sinn tíma í að skoða nýja hluti. Í mínu tilfelli er það lærdómurinn. Forgangsröðun hefur aldrei verið mín sterka hlið.

Ég skrifaði þessa færslu á þráðlaust lyklaborð sem er við stærð á lófann á mér!

Umtal og ofmetnaður

2008-01-22T14:42:00.001Z

Ég sit í tíma þar sem verið er að ræða hluthafafundi og stofnfé í hlutafélögum. Óhjákvæmilega fer hugurinn að reika. Ég fer að plana næstu mánuði. Fögur fyrirheit um átak í lærdómi og líkamsrækt eru ofarlega á baugi. Mér líður svo vel að gera svona góð plön. Verst hvað mér líður illa þegar ég fer ekki eftir þeim sem ávallt virðist vera raunin. En nú er ég í geðhæð og lífið svo ótrúlega bjart framundan og sterkar vonir bundnar við að standast þessi fyrirheit.

En hugurinn reikar áfram. Um vini og fjölskyldu, sem ég tel mig nokkuð lukkulega með. Verð alltaf soldið sentimental þegar ég hugsa um þessa hluti. Fæ löngun til að segja öllum hvað mér finnst þeir æðislegir og hvað mér þykir vænt um þá. Taki þeir til sín sem eiga. Án sumra veit ég ekki hvar ég væri stödd í dag... örugglega ekki í tíma um hlutafélög.

Annars hef ég komist að því að ég er umtöluð. Líður bara soldið eins og ég sé fræg. Að fólk sé að tala um mig! Býst við grein um mig á Vísi.is fljótlega, Hver er þessi Dagný, og mynd í Séð & heyrt í kjölfarið. Draumurinn er svo að nafn mitt birtist í Hver var hvar! Ef þessi áhugi á mér helst þá líður ekki á löngu. Vona bara að ég ofmetnist ekki við þennan skyndilega áhuga, sem sumir hafa, á lífi mínu og endi eins og Britney.

2008-01-20T21:49:00.000Z

Held ég sé hætt við að læsa blogginu. Veit ekki hvaða mikilmennskubrjálæði kom yfir mig. Eins og það sem ég skrifi hérna sé eitthvað sem megi ekki lesast af öllum. Og ekki er nú eins og það lesi þetta margir. En myndasíðan, þegar hún loksins kemur, verður læst. Því þó fólk megi lesa skrif mín mega aðeins útvaldir skoða myndir af mér.

Annars er allt við það sama. Hefur reyndar margt drifið á daga mína síðan síðast. Enda var það hva... 1. janúar. Ég er komin norður, búin að taka eitt próf, er byrjuð í skólanum, á að skila verkefni á morgun, fór í sumarbústað, prjónaði trefil, er að klára að prjóna peysu sem er búin að vera í 7 ár í gerð, sagði upp í vinnunni og búin að drekka hátt í 100 kaffibolla.

Þó það sé margt að gerast í þjóðfélaginu nenni ég ekki að skrifa um það. Læt Moggabloggarana og fjölmiðla rasa út um það. Ég hef öðru að sinna. T.d. að læra að gera myndasíðu og horfa á handbolta. Svo mæli ég með við alla að lesa bókina Þúsund bjartar sólir því hún er dásemdin ein.

Nýtt ár

2008-01-01T16:45:00.000Z

Þá er komið að því enn einu sinni. Áramót. Nýtt ár tekur við og uppgjör við það gamla. Í dag er 2008 - í gær var 2007. Árið 2007 var gott ár. Ég gerði ýmisslegt og ýmsir aðrir líka...

-Vigdís systir og co. fluttu til AK
-kynntist fullt af góðu fólki
-fékk titilinn 'fulltrúi nemenda í Jafnréttisráði'
- ég skrifaði B.A ritgerð um landgrunnið
-ég útskrifaðist með B.A úr lögfræði
-átti ótrúlega skemmtilegan útskriftardag með bestu vinum & fjölskyldu í heimi
-fór í úskriftina hennar KT úr sál- og kynjafræði
-Heklan mín kom í heiminn
-átti frábært sumar á AK... aðallega með Maddý & Möggu minni
-Dabba, Anna María & Jana komu í ógleymanlega ferð til AK
-fór til Köben til Guðnýjarinnar minnar
-byrjaði í master í lögfræði
-hélt grímufataafmælisveislu með Fanneyju Dóru og Möggu minni
-varð 24. ára
-breytti statusnum á myspace úr 'single' í 'in a relationship'
-féll í áfanga í fyrsta skipti á ævinni
-átti yndisleg jól og áramót
-strengdi ekki áramótaheit en skálaði fyrir góðu ári 2007 og ennþá betra ári 2008

Ég hef einnig tekið ákvörðun um að halda áfram að blogga hér en ætla að læsa blogginu. Þið góða fólk fáið að sjálfsögðu lykilorðið... einhverntímann... einhvernveginn...

Eigið góðan dag & lifið heil

Hér er ég

2007-11-27T23:02:00.000Z

Ég var búin að fá uppí kok af bloggheiminum. Allir vita allt um alla og svo þetta óþolandi moggablogg þar sem fólk rasar út um málefni líðandi stundar og með misgáfulegar, jafnvel miður gáfulegar, skoðanir. En það þýðir víst lítið að láta þetta fara í skapið á sér. Tjáningafrelsið lifi.

Ég er þó að hugsa um að færa mig um set í bloggheiminum. Stofna nýtt blogg með nýjum pælingum og læstri myndasíðu. Er að skoða vænlega kosti núna. Mun láta ykkur vita innan skamms. Svo verið spennt. Og áhyggjulaus. Ég hef ákveðið að staldra lengur við í þessum heimi í þeirri von að lyfta bloggheimum á hærra plan... eða kannski bara aðallega til að fá útrás fyrir pælingar og uppfylla einhverja egóistíska þörf.

Annars er allt gott að frétta. Er byrjuð að vinna á fullu samhliða því að vera að byrja á ML ritgerðinni minni - sem by the way er mjög spennandi - og já... meira spennandi en landgrunnið... ótrúlegt en satt. Jólaseríurnar komnar í gluggana. Laufabrauðið útskorið í boxinu. Negulnaglar í appelsínum. Svo vann ég jólaskraut frá Rosendahl fyrir að vera frumlegasti leynivinurinn í leynivinavikunni. Ekki ónýtt það! Það er eitthvað sem segir mér að jólin nálgist furðufljótt... best þá að drífa sig í sturtu. Algjörlega ónýtt að vera skítugur á stundu sem þessari.

Hugs...

2007-11-22T01:04:00.000Z

Ég er að gera það upp við mig hvað ég eigi að gera við þetta blogg... læt vita þegar ég hef ákveðið mig.

Tileinkað Maddý

2007-11-06T22:55:00.000Z

Þar sem hún Maddý mín er í rosalegri prófaviku og þarf eitthvað til að lesa svona inná milli skólabókanna þá blogga ég fyrir hana í þetta sinn!

En það hefur margt gerst síðan ég bloggaði síðast. Ég hef t.d. átt afmæli og hélt kökuboð á afmælisdaginn. Missti mig aðeins í kökubakstri svo ég átti ca. 2 heilar súkkulaðikökur í afgang. Fékk margar æðislegar gjafir og þakka kærlega fyrir þær. Ég á yndislega vini og fjölskyldu.

Hluti af því sem í boði var

Kvöldið fyrir afmælisdaginn fór ég þó í innflutningspartí til hennar Fanneyjar Dóru súpertúttu og það var æði. Fórum í Wii tölvu sem var mikil áreynsla og endaði reyndar með ósköpum þegar glerljósakróna var brotin yfir mig og ringdi glerbrotum - mest megnis á mig. Ég hlaut þó ekki mikinn skaða af...

Ég í aksjón í Wii

Sætu spæturnar mínar...

Svo er nauðsynlegt að koma með myndir af bestabarninu mínu með fléttur einsog Lína

Var ekki alveg sátt við að fara að sofa

Hér er hún með Moggann að leita af myndinni sem birtist af henni

Og svo verð ég nú að segja frá því - þeim fáu sem ekki vissu - að ég lenti í árekstri á föstudaginn. Einhverjum fannst það ekki nauðsynlegt að fylgjast með í umferðinni á háannatíma á föstudegi í miðbæ AK og dúndrar þar af leiðandi aftan á bílinn minn. Ég eyddi því 3 tímum uppá slysó til að ganga úr skugga um að ég væri með heilt bak og heilan háls og var leyst út með lyfseðlum fyrir hin ýmsu bólgueyðandi og verkjastillandi lyf.

Veit ekki hvort skemmdin sjáist nægilega vel á þessari mynd en hann er illa brotinn aumingjans Foxinn minn... EN ég er nokkuð heil!

Jæja Maddý... farðu nú að læra!

Kvennafrídagurinn

2007-10-24T23:58:00.000Z

Sá dagur var í gær (eða dag, eftir því hvoru megin við miðnætti þessi færsla lendir). Upp spruttu miklar umræður í samfélaginu og kannski einna mest á bloggum landsmanna. Stundum þegar ég les slík blogg hellist yfir mig vonleysi. Þegar fólk heldur því fram að femínistar séu svona og hinseginn. Fólk fordæmir og fussar og sveiar. Eftir að hafa lesið lengra sé ég þó oft að þetta sama fólk hefur ekkert lagt á sig til að kynna sér hvað femínismi er í raun. Margir eru bara hræddir við orðið. Halda að það stimpli þá og sé í grunninn ljótt orð. Við þetta fólk vil ég segja: Kynnið ykkur málefnin áður en þið fordæmið. Ég er svoooo langþreytt á að rausa um að femínismi snúist ekki um að konur taki yfir heiminn. Að enginn sé að banna konum að vinna heima. Að femínistum sé ekki illa við karlmenn. Að femínistar séu ekki bitrar, órakaðar konur í lopapeysum. Það eru svo mun mun mikilvægara efni sem fólk ætti að vera að beina sjónum sínum að. Þið sem viljið ræða mál femínisma við mig, viljiði í gvöðana bænum kynna ykkur örlítið fyrir hvað femínismi stendur því ég mun ekki taka þátt í umræðum sem innihalda ofangreindar röksemdafærslur.

Að lokum. Já ég er femínisti. Já ég vil að jafnétti verði náð milli kvenna og karla. Já ég vil að konur hafi val. Að sama skapi vil ég að karlar hafi val. Og já, helst vildi ég líka útrýma þessum föstu staðalímyndum sem innprentaðar eru bæði í karla og konur allsstaðar í samfélaginu.

2007-10-22T22:25:00.000Z

Þessa vikuna bjóðum við uppá skattarétt II. Skattaréttur I var ekki nóg! Það er víst nauðsynlegt að kunna skil á tvísköttunarsamningum og muninum á takmarkaðri og ótakmarkaðri skattskyldu. Þetta er krúsíal stöff.

Við frábæru stúlkurnar í vinnunni héldum starfsmannadjamm/tjill á föstudaginn. Matur og meððí strax kl.16. Eiturhresst lið og það var mikið hlegið. Fór að sofa kl.sex... 14 tímum síðar!

Ýmis svipbrigði tekin á myndavélin

Maddýin mín og Birnan mín

Hér erum við spekingsleg - kemur ekki oft fyrir hjá mér

Ég er meira bara þessi týpa.

Annars á ég afmæli eftir 6 daga. 6 DAGA!!

2007-10-18T14:15:00.000Z

Ha! Sagðiru skattaréttur? Jii ég skal sko segja þér frá skattarétti. Hann hefur að geyma skemmtileg hugtök eins og samsköttun, innskattur, útskattur, skattstofn og fjármagnstekjuskattur. That will be the day þegar þessi hugtök verða orðin mér töm. Ég ákvað það með sjálfri mér í dag að vinna aldrei hjá skattinum. Ég skal borga skatt, gera skattframtalið mitt og sýna ríkisskattstjóra tilhlýðilega virðingu en að vinna við þetta fag mun ég ekki gera!

Annað. Nei djók. Það er ekkert annað. Skattaréttur er líf mitt þessa dagana.

Allir dagar eru svona...

Skattskyld hlunnindi

2007-10-15T22:29:00.000Z

Kannist þið við þau? Ekki? Nei, en því er ekki eins farið með mig þar sem ég er að skrifa ritgerð um efnið. Endilega skiljið eftir komment ef þið viljið fá hana senda. Hún er spennandi. Afar spennandi.

Annars fór ég í vísindaferð á föstud. í Saga Capital. Asskoti flott og vel veitt. Sammi og bandið spiluðu meðan við sötruðum veigar af hinum ýmsu gerðum. Já og svo lærðum við ýmislegt um starfsemina en ég skil voða lítið í svona hlutabréfa/fjárfestinga/kaupa/selja dæmi. Silly me.

Myndin svolítið dökk en þeir eru þarna strákarnir...

Svo var farið á pub-quiz

Við Magga stóðum okkur einstaklega vel...

Svo var fancy matur á laugard. og margarítur í eftirmat áður en haldið var á tónleika með Sprengjuhöllinni.

Þaðan á Karó sem var stórskemmtilegt. Við fórum í keppni um hver gat blásið stærstu Hubba-Bubba kúluna. Ég vann en myndatökukonan var aðeins of sein á vélinni. Svo nú á ég bara mynd af mér með tyggjó á vörunum. Hugguleg.

Vangaveltur...

2007-10-13T04:44:00.001Z

Stundum heldur maður að heppnin sé með manni. En annað kemur þá á daginn. Falskar vonir eru ekki góðar fyriri sálartetrið. Ég mun leggja alla mína draumóra á hilluna í bili. Þeir munu vera þar þangað til ég finn þörfina til að taka þá niður. Í dag á ég fullt í fangi með hið venjubundna líf, svo ég þurfi ekki að blanda draumórum og fantasíum inn í það. Fullt í fangi með að lesa skattarétt og bókina sem dreifir huganum og ber það skemmtilega Anybody out there...

Mál & myndir

2007-10-09T12:58:00.000Z

Þá er skaðabótarétturinn búinn og ég get fullvissað ykkur um að ég mun ekki vinna á þeim vettvangi í framtíðinni. Er núna í skattarétti og ég held að það sé eins farið með það réttarsvið. Nema ég fái hugljómun og brilleri í prófinu. En ég er búin að vera dugleg með myndavélina og held ég hendi nokkrum myndum frá síðustu dögum.

Nauðsynlegt að taka mynd af ávaxtaskálinni...

Fallega borðstofuborðið sem við borðuðum við á laugardaginn.

Sunna að horfa á Dóru

Strákarnir að hafa yfirumsjón með eldamennskunni

Reynir náði myndavélinni...

Frænkurnar - önnur nýklippt...
Besta barnið að þykjast vera í fýlu

Ólafur Kristinn kom í heimsókn og fékk loksins gjöfina sína sem hann var nokkuð sáttur með

Ég er að læra...

2007-10-03T21:11:00.000Z

...en ég er samt svona hress þegar ég læri

Eitt annað. Hvar er P.Pedersen??

Helgin í gegnum linsuna

2007-10-01T22:01:00.000Z

Yndislegasta Stellan mín... myndavélin virkar svo fínt. Hér er t.a.m. sjálfsmynd:

Sprellmótið var á föstudaginn. Það gekk líka svona ljómandi vel. Við stöllur í lærifélaginu misstum reyndar af því mest öllu þar sem við vorum að gera "raunhæft" verkefni í skaðabótarétti. En við tókum kvöldið með trompi og áfengineyslan náði enn á ný nýjum hæðum. Ég náði þó að mynda ýmisslegt með nýja gripnum... sem kom sér þó nokkuð vel daginn eftir! En það má þó ekki gleyma að minnast á að Kumpáni VANN Sprellmótið og það var svooo gaman. Eftir tilkynningu úrslita missti ég röddina tímabundið vegna öskra.

En myndavélin mín getur myndað annað en bara mig skal ég segja ykkur. Hér eru nokkrar vel valdar frá helginni:

Hér eru hjónakornin mín síkátu á Sprellmótinu

Reynir og Hjalti að syngja vinnigslagið Gangster's Paradise

Maddý-in mín var voða dugleg í símanum ;)

Ægir bauð svo í mat á laugardaginn og stóð sig svona líka vel. Við Maddý vorum þó ómetanleg hjálp þar sem við fórum útí búð og keyptum olíu og reyndum að útbúa borðskraut úr servíettum. Ég reyndi en hún gerði.

Helgin var góð en nú koma tímar lærdóms, afeitrunar og betrumbætrunar. Þið gætuð því átt von á myndum úr lærdómssetrinu og jafnvel nokkrum náttúrumyndum ef vel liggur á mér. En endum þetta á einni af yndislega barninu sem datt á andlitið:

Gullmolar úr skaðabótarétti

2007-09-25T18:02:00.000Z

*"Þótt vasi brotni vegna tilþrifa manns í dansi í samkvæmi, sem farið hefur eitthvað út fyrir venjulegan hreyfiradíus, er ekki líklegt að til skaðabótaábyrgðar muni koma."

Fleiri urðu gullmolarnir ekki. Bókin um skaðabótarétt er greinilega ekki skemmtilegri en þetta!

Annars var ég að fá nýju myndavélina mína í gær og ég er svo skínandi glöð með hana að ég er búin að mynda allt í bak og fyrir. Ekki mynda mig þó í bak og fyrir. Nema þið viljið sérstaklega fá mynd af bakinu á mér þá get ég alveg reynt að verða við því. En ég mun því að öllum líkindum dæla inn myndum hér í sí og æ. Því öll móment eru Kódak móment... nema ég á morgnana. Not such a pretty sight.

En þarna kemur ein mynd af mér sem Lara Croft úr ammælisveislunnistórgóðu... sýnir engan veginn búningin en ég er þó með pakka!

2007-09-21T22:58:00.000Z

Þá er afmælisveislan víðfræga yfirstaðin. Margt var um manninn og mikið var fjörið. Fjöldinn allur sem sá sóma sinn í því að gefa mér pakka. Ég þakka þeim það. Gjafirnar voru dásamlegar og ég var glöð í hjarta. Ég hef nefninlega ávallt átt erfitt með að taka við gjöfum því þegar ég fæ eitthvað sem á ekki við mig finnst mér eins og viðkomandi þekki mig ekki betur en það og þá á ég það til að verða sorgmædd. Engin pressa samt... En það gerðist ekki í þetta skiptið. Lara Croft datt algjörlega úr karakter og sveimaði um með bros á vör, gleði í hjarta og dansaði eins og enginn væri morgundagurinn. Hún var þó vopnuð byssum og baccardi razz í sóda! Fékk sér hugsanlega aðeins of marga slíka... Reyni að ég hendi inn mynd ef ég finn einhvurn sem náði að festa mig á filmu.

Annars gengur lífið sinn vanagang á AK. Samningaréttur búinn og skaðabótaréttur tekinn við. Og það sé fjör. Þ.e. ef fólk skilgreinir fjör þannig. Annars hefur hugur minn ekki verið akademísklega sinnaður undanfarna viku eða svo. Veit ekki alveg hvar hann er en hugsanlega þó að leita einhverra svara. En það er ef til vill bara tímaeyðsla því eins og Halldór Laxness orðaði það svo skemmtilega þá "Þegar öllu er á botninn hvolft, þá fer allt einhvernveginn, þótt margur efist um það á tímabili." Ég ætti því kannski að hætta þessum vangaveltum og snúa mér að sakareglunni, bótaskyldunni, samsömuninni og hlutlægu ábyrgðinni. Hitt mun fara einhvernveginn.

Komdu með í fílinginn...

2007-09-12T16:00:00.000Z

2007-09-10T13:59:00.000Z

Orðið fyllerí fékk nýja merkingu hjá mér eftir föstudaginn. Drykkjan náði algjörlega nýjum hæðum. Þeir sem hittu mig vita algjörlega um hvað ég er að tala. Ég var samt eiturhresssss... Fór í óvissuferð með vinnunni. Fórum í bjórverksmiðjuna Kalda, sem var mjög skemmtilegt og áhugavert. Sérstaklega bjórsmökkunin. Man ekki eftir meiru.

Samningarétturinn er að gefa lífinu lit þessa dagana. Ekki margt annað. Sjálfsálitið beið hnekki um helgina en það skreið að hluta til baka í dag eftir útkomu prófsins í síðustu viku.

Vissir þú að...

2007-09-05T23:34:00.000Z

...loforð + samþykki er samningur og telst löggerningur
...í dag fór ég tvisvar út að borða
...í dag drakk ég 4 kaffibolla - þar af einn tvöfaldan latte
...í dag tók ég próf á netinu um hvers konar kaffi ég væri - ég er tvöfaldur latte
...samningalögin hafa að geyma 40 greinar
...þriðji maðurinn í þriðjamanns löggerningum finnst hvergi þrátt fyrir ítrekaða leit
...í málinu um Íslandslax var framkv.stjóri C fundinn sekur um umboðssvik
...eftir kl.15 á morgun er ég komin í helgarfrí
...í dag var boðið uppá köku í skólanum í tilefni af 20 ára afmæli skólans
...á morgun er ég að fara í 40% próf sem ég nenni ekki að læra meira fyrir?

Ég er hér....

2007-09-02T21:19:00.000Z

Ó já. Ég hef ekki farið langt. Ég er hér enn. Ég bara ekki fundið mér bloggtíma. En samt hefur alveg margt gerst. Sumt prenthæft - annað ekki. Fyrsta prófið í mínu mastersnámið er afstaðið. Á reyndar eftir að fá út úr því en þá er bara að krossleggja fingur og vona að kennarinn sé víðsýnn og skapgóður þegar hann lítur yfir verkefnið mitt.

Nú þar sem haustlitirnir eru teknir yfir er kannski ráð að renna fljótlega í gegnum hápunkta sumarsins. Það var æði. Æði í einu orði sagt. Drakk mikið, skemmti mér mikið, vann mikið og gerðist meðlimur í fjölmörgum félögum. Þau félög sem urðu til eða ég gekk inní í sumar eru eftirfarandi:

-SMS-elítan (ég er formaður)
-Matarklúbburinn Alberto (hefur þegar hist tvisvar)
-Videóklúbburinn Votu tárin
-Leynifélagið Verkur í rassi (VÍR)
-Samkvæmisklúbburinn The Tonics

Fyrir var ég meðlimur í hinum víðfrægu og frábæru Heklum og Femínistafélagi Akureyrar (FEMAK). Síðasta ár var ég einnig gjaldkeri í Þemis, félagi laganema, sem og ritari Kumpána, félagi félagsvísinda og lagadeildar HA. Nú læt ég mér nægja að vera fulltrúi nemenda í Jafnréttisráði HA. Svo það er nóg að gera ef ég á að ná að sinna öllum þessum skyldum, því ég er nú víst í skóla og tveimur vinnum líka. Ef einhver á auka klukkutíma í sólahringnum sem hann er ekki að nýta má sá hinn sami láta mig vita á meili - er of bissí til að svara í síma!

Margt í mörgu... fátt í fáu...

2007-08-23T20:19:00.000Z

Fór til Köben til Guðnýjunnar minnar bestustu og Caspar. Ferðin var æði. Borðaði ótrúlega góðan mat, verslaði, slappaði af, verslaði og hafði það bara almennt gott. Guðný og Caspar eru bestu gestgjafar kóngsins Köben. Nýjustu fregnir eru þær að ég er orðin meðeigandi í H&M. Gott afrek það. Aðrar fregnir eru að ég á ekki fyrir mat. En mikið asskoti eru sætir strákar í Köben. Ofsalega tékkaðir... en sætir.

Síðasti vinnudagurinn á morgun og svo skólinn á mánudaginn. Skólinn - með öllum þeim lestri er honum fylgir, stofnanakaffi og langri setu á slæmum stólum. Og það sé stuð.

Átti ofsalega furðulegan dag í dag. Mjög súrrealískan. Leið eins og ég væri svo ofsalega fullorðin en samt ekki. Samt eins og ég vissi ekki neitt. Já þetta var erfiður dagur.

Endum hann á femínískum nótum...

Tuð á tuð ofan...

2007-08-06T18:17:00.000Z

Óánægja fólks sem í flestum tilfellum veit ekkert um hvað það er að tala er búin að óma í eyrum mínum síðustu daga. BANNA 18-23 ára í bæinn!!! Fólk á ekki til orð og verslunareigendur gráta nokkur hundruð þúsundir. Engin virtist átta sig á því að þarna var verið að stuðla að því að fjölskyldufólk gæti átt góða helgi án unglingahópamyndunar. Enginn var að banna fjölskyldufólki á þessum aldrei að tjalda - heldur einstaklingum. 21 árs par með barn telst fjölskylda. Það hefur sýnt sig í gegnum árin að það þýðir lítið að blanda þessum tveimur hópum saman - hvorugur hópurinn fær notið sín. Það hefur einnig sýnt sig að unglingatjaldsvæði er ekki hættulaust og ég veit ekki betur en að lögreglan hafi verið með mest allan mannskap sinn þar í fyrra og gat því ekki sinnt öðrum stöðum bæjarins eins og þeir hefðu viljað. Einnig var þessum aldurshópi ekki meinaður aðgangur að bænum. Veit ég um marga sem gistu í görðum hjá vinum og kunningjum og var það vel. Hef ekki heyrt í einum einasta manni á þessum aldrei sem kvartaði yfir þessu. Fólk bara bjargaði sér. Og eftir stöndum við með góða helgi og að mestu stórslysalausa. Engin nauðgun hefur verið kærð enn sem komið er né líkamsárás. Og hver var það sem ákvað að verslunarmannahelgin ætti að vera unglingadrykkjuhátíð og sú helgi sem verslunareigendur ættu að græða mest? Afhverju er ekki meira stílað inná fjölskylduhátíðir þar sem unglingar geta komið með foreldrum og allir fá eitthvað við sitt hæfi? Metum við ekki góða skemmtun með fjölskyldunni, þar sem allir komast heilir heim, meira en nokkur hundruð þúsund í vasann hjá verslunareigendum?? Ég veit að ég geri það! Ég var hérna síðustu verslunarmannahelgi og hún var ógeðsleg. Ég sór þess eið að vera ekki hér aftur. En sá eiður gleymdist og ég varð hér. En ég sé ekki eftir því í dag. Þessi helgi fékk mig til að meta aftur verslunarmannahelgina með öllu því góða sem hún hefur uppá að bjóða. Verslunareigendur og aðrir þeir sem hugðust hagnast á ofurölvuðu unglingum - hættið að væla og hugsið um heildarmyndina. Er farin að stórefast að Vinir Akureyrar séu sannir vinir!!

Drullupollurinn

2007-07-28T01:48:00.001Z

Það var svo fyndið þegar þú ákvaðst að henda þér út í drullupollinn. Ég man hvað ég var búin að mana þig upp í það lengi. Þú vildir ekki fara afþví að þú varst í nýju skónum sem mamma þín var nýbúin að gefa þér. Ég skildi þig svo vel en sagði það samt ekki. Hélt bara áfram að mana þig. Ég man hvað ég hló mikið þegar þú ákvaðst að henda þér út í. Baðaðir út höndunum og hlóst. Varst búin að gleyma áhyggjunum yfir nýju skónum. Ég hló svo mikið að tárin voru byrjuð að streyma niður kinnarnar. Þú þurftir að taka nokkur tilhlaup áður en þú loksins hafðir þig upp í að henda þér ofan í pollinn. Ég man þegar þú tókst síðasta tilhlaupið. Glampinn í augunum á þér. Þú varst að gera eitthvað sem var alveg bannað. Hlátrasköllin í mér ómuðu um allt. Brosið þitt situr fast í huganum. Skvettur út um allt. Ég var útötuð í mold og drullu. Gat samt ekki hætt að hlæja. Það var svo fyndið að sjá þig liggja í drullupollinum. Að sjá skvetturnar út um allt í kring og þig liggjandi útataða í drullu. Þú hafðir gert það sem var alveg bannað. En svo byrjaði drullupollurinn smám saman að dökkna. Þú stóðst ekki upp aftur. Við höfðum ekki tekið eftir steininum í miðjum pollinum. Ég hætti að hlæja, og hef ekki hlegið síðan.

Yndisleg helgi...

2007-07-24T00:18:00.000Z

...að baki. Mínar yndislegustu vinkonur Anna og Dabba komu til mín og það var bara æði. Út að borða í frábæru verði, djamm, sund, útsýnisferð, út að borða aftur, rölt í bænum og svo rosa partí með gjöfum og öllu tilheyrandi, djamm og eftirpartí. Helgin var í rauninni bara fullkomin. Dabba á eftir að senda mér myndir og þá mun ég dæla þeim hingað inn til að sýna ykkur hvað við erum fáránlega sætar og skemmtilegar. Væri líka gaman að geta hent inn lagalistanum á disknum sem við gáfum stelpunum en hann samanstóð m.a. af Minipops, Prince og Annie Lennox og var á repeat ALLT kvöldið við gríðarlega góðar undirtektir. Svo mun ég eflaust ekki fara framhjá neinum á dansgólfinu í framtíðinni þegar ég tek hrærivéladansinn, dj-inn eða innkaupadansinn. Stefnan er svo sett á að félagið sem stofnað var um helgina (og samanstendur af ferðafélögunum Önnu, Döbbu og Jönu og okkur norðanbúum mér og Maddý) og nefnist Mongó Þroskó Heftó haldi sinn annan nefndarfund í bænum þegar líða tekur á haustið.

Ég lærði afar margt um helgina. Nýja dansa, nýja brandara, nýja partí-rétti og síðast en ekki síst að sumt fólk þarf algjörlega að fara að taka sér tak í lífinu. Ég hélt að ég væri í örlítilli tilvistarkreppu en eftir helgina held ég að ég geti verið ánægð með mitt.

Setningar helgarinnar eru margar. T.d. "Vá og þú talar svo góða íslensku" (Jana við strák sem hafði búið 11 ár í Noregi) "Vá ég þarf svo að prumpa/kúka/æla" (Anna og Dabba nokkuð oft yfir helgina) og "Hvað er í gangi?" (há-dramatískt sms - sem ég nota bene sendi ekki!)

Afmælisbarn

2007-07-19T00:07:00.001Z

Minn elskulegasti, bestasti og yndislegasti stóri bróðir átti afmæli í gær. Ég gat ekki notið dagsins með honum sökum staðsetningar en síminn gerir oft á tíðum kraftaverk (sem stundum breytast í martraðir.. en það er önnur saga). Ég vona að hann hafi notið dagsins og reyndar bara allra daga ef út í það er farið. Kossar & knús til þín minn kæri og pakkinn kemur síðar.

Annars er það að frétta að ég var að plana utanlandsferð áðan sem farin verður í ágúst. Önnur eins spontant ákvörðun hefur ekki verið tekin í lengri tíma. Ég er strax farin að hlakka til en fyrsta mál á dagskrá er að redda helvítis passanum.

Dabban mín er að koma á föstudaginn og ég held vart þvagi fyrir spenningi.

SMS-Elítan

2007-07-16T22:26:00.000Z

Við Hjalti stofnuðum félag um daginn - SMS-Elítuna. Þetta er hópur sem mun hittast í framtíðinni á fimmtudögum, fá sér bjór og senda sms og deila sms-sögum (believe you me.. ég á nokkrar). Guðný vinkona er heiðursmeðlimur. Ég er formaður SMS-Elítunar og Hjalti er framkvæmdastjóri. Ef þið teljið ykkur eiga rétt á að vera með þá geti þið ímyndað ykkur hvað þið eigið að gera! Þetta er lógó-ið:

Annars er bjórinn búinn... í bili í það minnsta og því mun ég blogga næstu daga. Sama hversu lítið ég hef að segja. Annars ætlar mín yndislega og æðislega Dabba að koma næstu helgi og ég hugsa um lítið annað en hversu skemmtilegt það verður. Inná milli þess sem ég passa uppá það að míga ekki á mig af hlátri í vinnunni. Maddý kom með frábært komment í dag. Það var mynd af strák á skjánum með frekar óheppilegt skegg og hún slengir því svona fram að hann yrði nú kannski skárri ef hann rakaði af sér hausinn. Okey okey ef til vill svona had-to-be-there-moment en fyndið engu að síður.

Jæja.. I'm off.. einhver verður að fara að senda sms.

Margt að gerast...

2007-07-13T01:24:00.000Z

...sem ekki er prenthæft! Þið sem viljið skýringar er bent á símanúmerið mitt. Þið sem ekki hafið það... missið bara af því! Sorry! Annars mun ég blogga næst þegar bjórinn er búinn. Erfitt að segja um hvenær það verður - svo þið verðið bara að bíða spennt...

Svo satt...

2007-07-07T20:03:00.000Z

Átti furðulegasta föstudag nú í gær sem ég hef upplifað í lengri tíma. Byrjaði á því að ég vaknaði í rúminu hjá Vigdísi vinkonu ekkert rosalega hress einhverra hluta vegna... En hún var svöng svo ég fékk ‘scrambled-eggs’ í morgunmat ásamt ávöxtum og Kristal plús. Tók leigubíl í vinnuna. Vinnuafköstin hafa oft verið meiri en þennan dag. Tók mér ágætis tíma í hádegismat sem ég eyddi með gífurlega skemmtilegum stelpum á Plaza en sökum hláturs varð eitthvað minna um át. Mætti endurnærð í seinni hluta vinnudagsins en þrátt fyrir það jukust vinnuafköstin ekkert. Föstudagsfílíngurinn tók sér bólstað í fólki og náði hámarki um hálftíma fyrir vinnulok þegar ég bókstaflega vældi úr hlátri frammi í afgreiðslu.

Farið eftir vinnu og verslað örlítið. Grill til Möggu og Reynis um kvöldið ásamt góðu fólki. Ég og Maddý uppgötvuðum töfra farsímamyndavéla (eigum sko eins síma) og Sara hafði mætt með sína myndavél og eftir það varð ekki aftur snúið. Sjálfsmyndirnar hlaupa á tugum, frussumyndir, purrumyndir, ullumyndir og rangeygðar myndir. Þetta hljómar kannski ekkert fyndið en eftir að einhver sú alversta mynd af mér náðist á filmu grét ég úr hlátri og tárin spíttust – bókstaflega – og ég hélt að Maddý myndi kafna úr hlátri. Eftir ca. klukkutíma senu á myndavélinni vorum við vinsamlegast beðnar um að hætta þar sem hlátur okkar truflaði grafalvarlegar samræður hinna gestanna. Með trega létum við myndavélarnar frá okkur. Kvöldið var hið ágætasta og endaði á því að vinur vinkonu minnar fékk að gista frammi í stofu á hinu sívinsæla ferðarúmi þar sem hún sá ekki fram á að geta hýst hann sökum ja... sumt á maður kannski ekki að segja. Þegar ferðarúmið var uppábúið brá maðurinn sér útá svalir og nokkrum sekúndum seinna fékk ég símhringinu frá lögreglunni á AK þar sem ég var spurð að því hvaða maður þetta væri. Hversigæslan greinilega í hámarki... þó það spili að sjálfsögðu inní að ég þekki að meðaltali tvo á hverri vakt.

Að lokum vil ég benda á að ég hef komið af stað nýju trendi á AK. Orðið þroskó hefur notið gífurlegra vinsælda uppá síðkastið en ég notaði það einmitt í fyrsta skipti um daginn í gífurlega vel ígrunduðu og áhrifaríku sms-i. Ef þið þurfið því að senda sms þá getiði haft samband við mig. Ég er brjálæðislega góð í því.

2007-07-03T19:40:00.000Z

Fann mig knúna um daginn til að taka nokkur próf á netinu þegar ég átti að vera að gera eitthvað allt annað. Eftir niðustöður fyrsta prófsins var ég nokkuð jákvæð og hugsaði með mér að þetta væri nú ekki svo ónákvæmt.

You Are 100% Feminist

You are a total feminist. This doesn't mean you're a man hater (in fact, you may be a man).
You just think that men and women should be treated equally. It's a simple idea but somehow complicated for the world to put into action.

Are You a Feminist?

Þeir sem mig þekkja vita þetta. En eftir annað prófið fór trú mín að minnka.

You Can Make 83% of Your Crushes Fall in Love With You

Admit it, you can seduce practically anyone. And sometimes you try just for fun.
You're a total heartbreaker that knows when to play it cool.
You are the type of person people go completely lovesick over. Just use your powers for good, okay?

Can You Make Anyone Fall in Love With You?

Ef það væri nú aðeins svo. Þegar ég sá svo hvað þema-lagið mitt var þá hætti ég og lokaði síðunni.

Your Theme Song is Oops I Did It Again by Britney Spears

"It might seem like a crush
But it doesn't mean that I'm serious"

Heartbreaker, superflirt, player... you've been called all of those.
You're not that innocent, and you know that you have a super sexy vibe!

What's Your Theme Song?

Annars var ég í fríi í vinnunni í dag því bróðir minn og dætur komu í heimsókn og var farið á gamlar slóðir og heimabæir forfeðra heimsóttir. Sund í Þelamörk þar sem ég reyndi til hins ýtrasta að ná í örlítinn lit en held mér hafi mistekist ætlunarverkið. Kjarnaskógur þar á eftir og svo út að borða. Sitjum hér núna að horfa á Tomma & Jenna og auminginn ég gjörsamlega búin á því.

Sunnudags/mánudagspæling

2007-07-02T00:06:00.000Z

Afmælið var skemmtilegt og góðar veitingar í boði þó ég hafi aðallega verið í þeim fljótandi... no surprise there! Fórum í bæinn seint og um síðir og olli hann vonbrigðum sem endranær. Dagurinn í dag var góður og einkenndist helst af áti - doritos og salsa a la Magga getur bara ekki klikkað. Horfðum á vídeó - Knocked up held ég hún heiti. Kom skemmtilega á óvart. Og talandi um það þá varð Svenni vinur minn pabbi í dag. Óska honum og konu hans innilega til hamingju.

Ég vil benda þeim á sem fá sér nýja síma að kanna alla fítusa vel - sérstaklega áður en haldið er í drykkju. Ófyndin skilaboð sem enda á vitlausum stað eru bara ekki fyndin. Guðný á reyndar ennþá metið í þeim efnunum en ég gerði góða atlögu að titlinum í gær. Þeir sem þurfa að ná í mig um helgar er því bent á að hafa samband við Möggu eða Maddý þar sem síminn mun vera skilinn eftir heima héðan í frá.

This is the way you left me,
I'm not pretending.
No hope, no love, no glory,
No Happy Ending.
This is the way that we love,
Like it's forever.
Then live the rest of our life,
But not together.

Wake up in the morning, stumble on my life
Can't get no love without sacrifice
If anything should happen, I guess I wish you well
A little bit of heaven, but a little bit of hell

This is the hardest story that I've ever told
No hope, or love, or glory
Happy endings gone forever more
I feel as if I feel as if I'm wastin'
And I'm wastin' everyday

2007-06-30T19:12:00.000Z

Góður dagur í dag. Menningarlegur með uppáhalds mæðgunum mínum þeim Möggu og Sunnu. Afmæli í kvöld. Hef svosum engar fréttir né skemmtilegar hugleiðingar eins og er. Þær kannski koma með kvöldinu... En það sem mestu máli skiptir er að ég er hress og hlusta núna á Jurassic 5 í sólinni.

A don't stop stop your dreamin
Let yourself float apon the notion
We can work it out, we gon work it out baby
Go ahead lose yourself inside this opportunity
That we gonna make it right now, make it right now

We live and we learn, we crash and we burn
Right now my only rhyme is this lesson I learned
You talk about trust, I talk about lust
Its not appealin as you truly speak your feelings
I be lookin at the ceiling, so concealing
I shoulda put my heart on the table
Knowin I was good and able but instead I fed your fables
If I could have you back best believe it'd be forever
Cause each and every day you would hear those four letters

A don't stop stop your dreamin
Let yourself float apon the notion
We can work it out, we gon work it out baby
Go ahead lose yourself inside this opportunity
That we gonna make it right now, make it right now

Lautarferð

2007-06-26T00:25:00.000Z

Í dag eftir vinnu ákváðum við Maddý að fara í lautarferð. Við héldum af stað með SunLolly, jógadýnu, vatn og teppi. Ætluðum að finna okkur skjól í lítilli laut og hafa það gott. Engin var lautin og ekkert var skjólið. Við enduðum einhversstaðar í auðninni, í þúfuklasa í mannhæðarháu grasi með SunLolly sem við þurftum að naga í sundur, sódavatn sem freyddi yfir allt og ískalda goluna, liggjandi á teppi sem varla var fyrir tvo. Þrátt fyrir ýmsar misfarir hlógum við allan tímann þar sem við rifjuðum upp góða frasa eins þegar ég missti út úr mér við Maddý: Vá, þú ert svo heppin að líta svona vel útí dag. Minnstu munaði að ég kafnaði úr hlátri þegar við rifjuðum upp að sökum mistaka ja.is var öll fjölskyldan hennar Maddýjar skráð til heimilis á ákveðnu sambýli landsins. Þetta auk margra annarra brandara, sem e.t.v. fáir skilja, gerði það að verkum að ég mætti Pollýönnu glöð og jákvæð aftur til vinnu og minnti fólk á reikninga með bros á vör. Ísbíltúrinn eftir seinni vinnutörnina var ekki síðri skemmtun þar sem við parkeruðum bílnum við eina mestu umferðargötu bæjarins og störðum á fólk keyra framhjá, dansandi við eitís-popp og borðandi ís.

Og já, Pollýönnu skapið gerir það að verkum að allt heimska fólkið sem kommentar sí og æ fer ekki lengur í taugarnar á mér. Því er hreinlega bara ekki viðbjargandi og því til lítils að pirra sig á því.

Ég er farin að sofa og vona að morgundagurinn verði jafn góður og þessi.

Heimskt fólk

2007-06-24T04:12:00.000Z

Djöfull þoli ég ekki heimskt fólk. Í alvöru. Internetið er morandi í drullu heimsku fólki sem kommentar í sí og æ hjá fólki sem dettur í hug að setja málefnalegar færslur á bloggið sitt. Bloggið og kommentakerfið hennar Sóleyjar er afar gott dæmi um þetta. Þarna kommentar alls kyns fólk um hluti sem það veit misjafnlega mikið um og oft á tíðum ekki neitt og talar því útum rassgatið á sér. Mikið sem ég þoli ekki svona fólk.

Og annað. Hvað er að fólki þessa lands? Getur það ekki drullast til að segja það sem það meinar???

Og eitt annað. Guðni. Nei ég held að við Magga Stína séum of stórt verkefni fyrir hann Gunnar blessaðan. Það er ekki svo auðveldlega hægt að lækna hana af nammisýkinin né mig Petersson þráhyggjunni.

Kæri P. Pedersen og aðrir lesendur

2007-06-18T16:56:00.000Z

Ég átti frábæra helgi í Reykjavíkinni og ber þar hæst að nefna útskriftarveislu Kristínar Tómasdóttur og kjólakaup. Veislan var í alla staði vel heppnuð en aðrar eins veigar hafa ekki sést í manna minnum. 15 feta eikarborðið svignaði undan kræsingum og 20 lítra balar í tugatali stútfullir af áfengi. Finnst furðulegt að ég hafi ekki drukknað í einum slíkum. Og ekki má gleyma súkkulaði gosbrunninum. Eyddi ca. 1/3 kvöldsins þar inni ásamt yngstu gestunum. Svo var sungið við gítarspil og auðvitað var lagið Dagný tekið. Ég þakka Álfhólsfjölskyldunni fyrir yndislegt kvöld, Kristínu aftur til hamingju með frábæran áfanga og Heklum og öðrum vinum fyrir skemmtunina.

Og já, ef einhverjum langar að gefa mér tækifærisgjöf þá má sá hinn sami/sú hin sama droppa við í búðinni KVK á Laugaveginum og kaupa í raun hvaða flík sem er því þær eru allar fáránlega flottar.

Og eitt í viðbót - Alexander Petersson þráhyggjan hefur tekið sig upp aftur.

Fimmtudagspæling

2007-06-14T21:53:00.000Z

Fólk er svo fyndið. Það kemur mér endalaust á óvart. Bæði með orðum sínum og gjörðum. Ætli það sé ekki til fyrirsjáanlegir einstaklingar. Ef svo er þá hef ég einstakt lag á að forðast þá. Óútreiknanleiki virðist vera eiginleiki sem ég sæki í. Sækjast sér um líkir segir orðatiltækið. En sjálf finnst mér ég ekki svo óútreiknanleg. En hver er ég svo sem til að dæma það. Því hvað veit ég? Ég hef til að mynda alltaf talið mig góðan mannþekkjara. Finn fljótlega hvaða fólk er gott og ég á samleið með og hvaða fólk hugsanlega gæti komið illa fram. Sést e.t.v. best á vinahópnum mínum. Bara gott fólk þar. En einstöku sinnum kemur það fyrir að ég mistúlka fólk. Tek það fyrir eitthvað annað en það er. Kannski er það bara undantekningin sem sannar regluna. Eða það sýni að ég er ekki óbrigðul þó ég fari skuggalega nálægt því. Já það er pæling.

Það var þá

2007-06-12T22:41:00.000Z

Nú er ég útskrifuð. Komin með B.A. í lögfræði. Útskriftardagurinn - og í raun helgin öll - var frábær. Fer á topp 5 yfir skemmtilegustu dagana. Hersingin kom seinnipart föstudags og tveir leynigestir voru afhjúpaðir. Tekið forskot á drykkjuna og mikið gaman. Pínu erfitt að vakna eldsnemma á laugardagsmorgun en einhverjum snillingnum datt í hug að hafa útskriftina kl.10.30. Mér tókst að taka við skjalinu og ganga yfir sviðið án þess að detta og takmarkinu var því náð. Myndataka í 40°C hita fylgdi á eftir. Kokteill í hýbýlum mínum þar sem margt yndislegt fólk lét sjá sig og þar á meðal síðustu gestirnir að sunnan - sem n.b. gerðust lögbrjótar á leiðinni. Pina Colada útí sólinni áður en haldið var í þriggja rétta á Karólínu. Og mikið sem það var gott.. nú og gaman. Þaðan í partý - aftur í mínum hýbýlum - sem stóð langt fram á nótt og var alveg fáránlega skemmtilegt... fyrir mig í það minnsta. Ég brosti allan daginn og hló þess á milli. Ég á yndislegustu vini í heimi sem margir lögðu það á sig að ferðast um landið til þess eins að eyða þessum degi með mér. Fjölskyldan er að sjálfsögðu yndisleg líka... enda við öll svo ótrúlega lík. Sunnudagurinn var líka góður - ótrúlegt en satt - þrátt fyrir að hafa kvatt liðið og vaskað upp 16 þúsund glös - já ég á 16 þúsund glös. Svo var sofið í öllum herbergjum hússins og nokkur þeirra bíða þess enn merki. Það er náttúrlega ekki hægt að gera allt í einu.

Ef einhver gleymdi að óska mér til hamingju þá verð ég ekkert sár þó það gerist núna á næstu dögum. Þið hafði fram til miðnættis næsta föstudag.

Á morgun...

2007-06-08T16:48:00.001Z

...mun ég útskrifast. Og það verður gleði og gaman. Allt orðið reddí og það eina sem er eftir er að fá allt liðið í bæinn (AK það er) og taka við blessaða skjalinu. Ótrúlegt að þrjú ár séu liðin frá því ég hóf þetta nám. Mér finnst svo ótrúlega stutt síðan ég ákvað þetta og settist upp í bíl með Guðna bróður og brunaði norður yfir heiðar. Kvaddi Stellu, Mörtu, KT og Þóru á miðjum laugavegi á menningarnótt - allar hágrenjandi. En það hefur þó ótrúlega margt gerst síðan þá. Sambýlingarnir búnir að vera tveir og íbúðirnar þrjár. Ein á ári sumsé. Búin að kynnast fullt af góðu fólki og eignast frábæra vini. Og að hugsa sé að fyrir þremur árum hélt fólk að ég héldi þetta ekki út! En þetta er ekki búið enn því það eru tvö ár eftir. Tvö ár sem vonandi verða jafn frábær og þau síðustu.

Ef þið teljið ykkur eiga rétt á að koma í veisluna til mín á morgun en hafið ekki fengið sms þá þýðir ekkert að fara í fýlu heldur bara mæta. Staður og stund verða þó einungis upplýst í gegnum síma eða annan leynilegan vettvang. Hlakka til að sjá ykkur.

Norðurlandsdrottningin sem mun einungis gangast við nafninu Dagný Kandídat á morgun.

2007-06-04T21:56:00.001Z

Lömbin mín. Brjálað að gera hjá stúlkunni sem er að fara að útskrifast. Það er ég sko.. já því ég er að fara að útskrifast. Fann mér samt tíma til að kíkja út bæði kvöld helgarinnar. Óvænt djamm á föstudaginn sem kom skemmtilega á óvart... Partý hjá vinnufélaga á laugardaginn sem bar yfirskriftina Halló Unni og fékk síðar nafnið Halló Unni 20°C. Þar var margt um manninn og ég þekkti fæsta þeirra. En ég og Maddý létum það ekki stoppa okkur og eins og okkur einum er lagið hlógum við allt kvöldið svo tekið var eftir. Þaðan var haldið í bæinn, þaðan í eftirpartý í mín húsakynni sem stóð nokkrum klukkutímum of lengi og þaðan var haldið í sund. Þetta var laaaaangur dagur en sunnudagurinn þeim mun styttri.

Spurningar kvöldsins voru tvær. Annars vegar: Hver kúkaði í partýinu? Og hins vegar: Hver stal öðru mangó-inu mínu?

Og nú er ég hætt þessu rugli. Síminn verður heima næst þegar bjór er við hönd. Ég er svo mun minna sniðug en ég held að það er næstum sárt. Sumir halda kúlinu alla daga, hvort sem þeir eru í bjór eður ei. Ég virðist ekki vera ein af þeim. Við fyrsta sopa hverfur kúlið eins og dögg fyrir sólu og skilar sér ekki aftur fyrr en fyrsta lagi á mánudagseftirmiðdag. En sumu verður maður bara að taka og horfa á björtu hliðarnar - ég meina ég er þó drullu frábær hina fimm daga vikunnar.

2007-05-28T23:43:00.000Z

Kom að sunnan í dag eftir góða helgi í borginni. Hitti flest alla sem ég hafði ætlað mér og nýtti mér góðmensku þeirra. Bjór hjá Björt á föstudaginn í boði Stellu. Grill hjá Stellu og Hrafni á laugardaginn í boði Mörtu og Magga - og Trivial sem ég vann!! ÉG. Afmæli Magga Gunna í boði hans og Mörtu og drukkið áfengi í boði ýmsra. Útskriftarfötin fundin og þau voru í boði móður minnar. Skór í boði Helgu Ránar. Hitti fallegustu Hekluna mína Sigurgeirsdóttur og foreldra. Yndisleg. Skemmtun helgarinnar var í boði vina og vandamanna og ég áttaði mig á hve ótrúlega frábær þau eru... var svona næstum búin að gleyma því eftir alltof langa fjarveru.

Þeir ófáu sem fengu sms um klukkan fjögur aðfaranótt mánudags sem var eitthvað á þessa leið Hvað er pabbi þinn? Hann er Þróttari. Hvað er mamma þín? Hún er Þróttari? mega eyða því. Þeir hinir sömu geta þó verið leiðir yfir því að vera ekki á staðnum því þetta var góður brandari.

2007-05-22T00:37:00.000Z

Ert ÞÚ búin/nn að kaupa miða á Ungfrú Ísland? Það er ég sko búin að gera. Sit á fremsta bekk. Er búin að kynna mér alla keppendurna til hlítar. Ohh ég get ekki beðið. Sitja og horfa á þær þarna á sviðinu. Ég er samt ekki búin að velja hver mér finnst fallegust. Enda get ég það ekki. Aðeins dómnefndin getur valið nefninlega. Aðeins hún er fær um að dæma hver er fallegust, og svo næst fallegust og svo þar næst fallegust. Svo verður líka gaman að fylgjast með hinum mikla þroska sem gerist í svona keppnum. Þær læra svo ótrúlega mikið. Ég vona að ég læri líka eitthvað á því að horfa á þær spranga um. Svo eru þær líka allar svo góðar vinkonur. Hlítur að vera góður andi sem svífur um yfir keppninni. Vinátta, samhugur og fegurð (mismikil þó eðli málsins samkvæmt).

Annars er það að frétta að ég held ég sé tognuð í síðunni. Vegna hósta. Muniði um daginn þegar ég tognaði í baki við að hnerra? Þetta er verra.

Að lokum. Ég játa mig sigraða. Ég gefst upp varðandi hitt kynið. Ég hef alltaf verið þeim ókosti gædd að vilja það sem ég ekki get fengið. Það er engin undantekning gerð greinilega í þessum málum.

Hekla komin í heiminn

2007-05-18T18:59:00.000Z

Mín elskulegasta, fallegasta og bestasta Guðmunda er orðin mamma. Fyrst allra Heklanna. Hún eignaðist fallega litla stelpu - Heklu - seinnipartinn í gær og heilsast öllum vel. Ég hef heyrt það frá þeim sem hana hafa séð að hún sé fallegust allra barna... það kemur mér ekkert á óvart.

Ég sendi þeim allar þær ástarkveðjur og hamingjuóskir sem ég á til og hlakka til að hitta þær báðar næstu helgi.

BA ritgerðinni lokið

2007-05-14T22:27:00.000Z

BA ritgerðin er farin. Farin til leiðbeinanda og fljótlega prófdómara sem munu lesa hana og skemmta sér. Titill hennar er Réttur strandríkja til landgrunns samkvæmt þjóðarétti. Hver myndi ekki skemmta sér yfir því?? Ég skemmti mér allavega yfir því í lengri tíma og býst við að ég muni hafa ritgerðina á náttborðinu megnið af sumrinu. Upplestur mun síðan vera haldin vikulega. Ég hugsa að sunnudagar séu tilvaldir til verksins. Mæting uppúr kl.14.00. Vinsamlegast komið með eigin veitingar.

Annars hefur lítið gerst í mínu lífi annað en ritgerðarskrif og kvef. Er aftur komin með kvef. Þetta er krónískur andskoti. Er að pæla í að fara til læknis og láta hann redda þessu.

Kosninga/júróvisíon kvöldið var fyndið. Horfði samt takmarkað á söngatriðin og minna á stigakeppnina. Var svo með annað augað á kosningasjónvarpinu annarslagið. Ég á svo erfitt með þessa tölfræði alla að mér finnst ég hálf heimsk þegar ég reyni að fylgjast náið með. Og þá er betra að sleppa því. En kvöldið byrjaði hjá Vigdísi systur með mat og fíneríi. Við Maddý fórum svo í leynifélags-stelpupartý. Þær stúlkur gætu skrifað hið fínsta rit um drykkjuleiki. Ávaxtaleikurinn, ropleikurinn, prumpuleikurinn, ljónaveiðaleikurinn og svo mætti lengi telja. Þarf kannski ekkert að taka það fram að ég eyðilagði oftar en ekki leikinn með hlátri og reyndar Þura líka. Við hlógum ofslega mikið þetta kvöld og minnstu munaði að ég hnigi niður af hlátri þegar dyravörðurinn spurði hana um skilríki. Það þarf ekki mikið til að skemmta mér. Annars var bærinn tómur og ég gruna fólk um að hafa misst meðvitund af leiðindum yfir sjónvarpinu. Einhverra hluta vegna enduðum við í kosningapartý hjá VG. Ég nennti ekki að ræða pólitík svo ég drakk bara þeim mun meiri bjór. Enduðum kvöldið á Amour þar sem ég lenti í rökræðum um 'Kæri vinur' bréfin. Stundum á ég ofsalega bágt með að fólk skuli ekki vera sammála mér. Eftir það var aftur farið heim til Vigdísar sys og étið áður en haldið var heim að sofa.

Að lokum. Geturu einhvur útskýrt fyrir mér Gutenberg auglýsinguna. Mér er fyrirmunað að skilja hana.

2007-05-07T16:09:00.000Z

BA farin í yfirlestur hjá leiðbeinandanum. Ég sendi hana í gærkveldi og ég veit ekki hvor tilfinningin var sterkari - hræðslan eða gleðin. Ég er afar glöð með að vera komin þetta langt með hana en skít hrædd við viðbrögð hans. Ég er meiri prófa-manneskja en ritgerðar-manneskja. Þessi törn hefur tekið á og ég hef ekki verið heima hjá mér, nema rétt yfir blánóttina, í alltof langan tíma og það er einhver furðuleg lykt búin að leggjast um íbúðin. Ég get ekki sagt að ég hlakki til að finna út hvaðan hún kemur. Ekki getur það þó verið úr ísskápnum þar sem hann inniheldur aðeins oststykki, aspas og sýrðan rjóma. Sem minnir mig á það að ég þarf að fara í búð.

Annars fann ég þennan tengil um daginn sem sannar það að það eru fleiri til eins og ég!

Og annað. Hver man ekki eftir Jordy. Litla franska kjútípæinu sem söng svo skemmtilega. Aníveis. Hér er linkur inná myndbandið við lagið sem varð hvað frægast.

Ég vil enn og aftur ítreka það við fólk að taka athugasemdir Möggu Stínu ekki alvarlega. Og ekki heldur Egils ef út í það er farið...

Óður til landgrunnsins

2007-05-02T22:00:00.000Z

Ég er hér. Búin að vera að læra, vinna og smá meira veik - sem var bara til að bæta geðheilsuna. Guði sé lof fyrir verkjatöflur.

Annars ganga BA skrif svona ágætlega. Fór að hitta leiðbeinandann í dag og á korteri endurröðuðum við öllum köflum ritgerðarinnar. Eða svona næstum öllum. Get ekki sagt að ég hlakki til að senda hana í lokayfirlestur.

En að Óðnum til landgrunnsins. Loksins. Er mikið að velta því fyrir mér að hafa hann í formálanum. En það hafa samt ekki allir sama húmor og ég. Spurning hvernig prófdómaranum fyndist það...

Grunnið kennt við land
sigld'ei þar í strand.
Sæktu á miðinn
og fiskaðu friðinn.
Veiðitrollin fylltu
- visku mína hylltu,
svo hún verði borin
í fiskinetin troðin.
Veiddu að vild
- lof mína snilld.©

Copyright merkið er hluti af húmornum.

Haldiði að þið getið gert betur? Bring it...

2007-04-26T15:54:00.000Z

Heil og sæl

Vil láta vita af því að ég hef ekkert svar fengið frá aðstandendum Fegurðarsamkeppni Íslands... surprise! Ég hef ekki haft tíma til að bögga þau en það kemur.

Er uppí skóla mestallan þann tíma er ég er vakandi. Skrifin ganga ágætlega en þó örlítið hægar en ég hefði á kosið. En svona er þetta bara. Milli þess sem ég skrifa er ég að meila á flest alla þá sem ég held að geti hjálpað mér. Persónuleg bréf til starfsmanna utanríkisráðuneytisins, Hafrannsóknarstofnunnar sem og alþingismanna hafa fengið að fjúka síðustu daga. Ég mun þakka þeim persónulega ef mér tekst að skila á réttum tíma. Sem er enn svolítið vafamál... En ég er þrjósk og neita að láta veikindi mín eyðileggja þetta fyrir mér. Sendið mér því góða strauma - ekki veitir af.

Óður til landgrunnsins mun svo birtast hér innan fárra daga.

MaggaStína - ég bið að heilsa á Austurlandið
VigdísÓsk - ég bið að heilsa í borgina

Afhverju eru vinkonur mínar alltaf að stinga af?

Afhverju ég er ekki kaþólikki...

2007-04-24T23:50:00.000Z

Vatíkanið segir fóstureyðingar vera hryðjuverk

Næst æðsti embættismaður kenningakerfis í Vatíkaninu fór í dag hörðum orðum um hjónaband samkynhneigðra, sem hann sagði af hinu illa, og sagði fóstureyðingar vera „persónugert hryðjuverk“. Fordæmdi hann „illvirki sem eru næstum ósýnileg“ vegna þess að fjölmiðlar matreiði þau sem „dæmi um framfarir í mannlífinu“.

Angelo Amato erkibiskup, sem er ritari Trúarkenninganefndar kardínála, sagði að fréttir blaða og sjónvarps minntu í mörgum tilvikum helst á „öfugsnúna mynd um hið illa“. Læknamiðstöðvar er framkvæma fóstureyðingar kallaði hann „sláturhús fyrir fólk“.

Vatíkanið og rómversk-kaþólska kirkjan á Ítalíu gagnrýna nú harkalega lagafrumvarp sem kveður á um að ógift pör, bæði af sama kyni og af sitthvoru kyninu, fái að einhverju leyti lögbundin réttindi. Hafa bæði kirkjan og ýmsir kaþólskir stjórnmálamenn gagnrýnt frumvarpið og sagt að það muni leiða til þess að hjónabönd samkynhneigðra verði lögleidd.

Sláturhús fyrir fólk!! Hvaða endemis vitleysa er þetta. Þarf ég að fara þarna út og þruma yfir hausamótunum á þessu liði. Og þetta eru trúarleiðtogar. Þetta eru leiðtogar sem fólk lítur upp til og fylgir... oftar en ekki í blindni. Hvaða helvítis rugl er að allt fari í háaloft afþví að ógift pör eigi að fá lögbundin réttindi. Eigum við að mismuna ógiftum af því að þeim hugnast e.t.v. ekki að gifta sig! Nei nú er mér allri lokið. Ég þarf að sparka í einhvern!

Og MaggaStína... hættu að drekka! Annars birti ég ekki ljóðið um landgrunnið!

2007-04-24T13:09:00.000Z

Ég er risin úr rekkju. Guði sé lof. Og komin upp í skóla að skrifa. Veikindin voru skelfileg en ég er þó enn með hósta til að minna mig reglulega á þau. Hósta sem lætur reykingamenn með berkjubólgu skammast sín. Ég hætti mér því ekki uppá bókasfn heldur held mig í matsalnum að læra. Ég þoli nefninlega sjálf ekki svona leiðinleg líkamshljóð þegar ég er á bókasafninu og get ímyndað mér að það séu til aðrir eins.

Ég horfði einmitt einu sinni á Jay Leno í veikindum mínum og sá þar einhverja gamanleikkonu, æi hún hefur verið í SaturdayNightLife og svo lék hún þarna í Superstar myndinni og var sú sem var alltaf að stinga höndunum undir handarkrikana og þefa. En já, JL fannst víst eitthvað fyndið hvaða hlutir henni fundust róandi en það var ákveðið fólk sem hefur ákveðinn talandi og æi erfitt að lýsa þessu. Hún nefndi dæmi um afgreiðslustúlku sem væri t.d. að pakka einhverju inn, gerði það svona afar rólega, jafnvel með gervineglur og talaði með svona lágri róandi röddu. Þetta fannst konunni ofsalega róandi. Og viti menn. Svona hlutir geta svæft mig. Ég fæ svona vellíðunartilfinningu og gæti sofnað á staðnum í vissum svona tilfellum. T.d. oft þegar einhver að er sýna mér eitthvað eða útskýra, talar rólega og er með svona vissar handahreyfingar. Fyndið. Kannski við séum skyldar...

Svo vil ég benda fólki á að taka kommentið frá MögguStínu hér að neðan ekki alvarlega. Hún hefur miklar áhyggjur af því að ég muni aldrei ná að hössla útá BA verkefnið mitt. Landgrunnsmál eru víst eitthvað ó-sexí. Ég er reyndar ósammála og skal sýna henni fram á það. Ég, ásamt Dögg og Hrafnhildi, samdi einmitt ljóð um landgrunnið - sem ég er að hugsa um að skella með í ritgerðina... Óður til landgrunnsins! Ég hendi því hér inn við tækifæri.

Sjúklingur

2007-04-17T16:56:00.000Z

Ég er lasin. Voða voða lasin. Með hita, beinverki, hálsbólgu, hósta sem á rætur sínar einversstaðar nálægt táberginu og höfuverk. Maturinn minn síðustu daga hafa verið stappaðir bananar og smá ab-mjólk útá þegar vel liggur á mér. Þessu skola ég niður með vatni eða te auk ógrynni af verkjatöflum.

Í bjartsýniskasti í morgun hélt ég að mér væri að batna. Reif rúmfötin af og skellti mér í sturtu - sem var orðin löngu löngu tímabær. En viti menn. Ég var bara alls ekkert orðin hress, er enn með hita og held bara áfram að borða stappaða banana. Reyndar svindla ég aðeins þegar verkjatöflurnar virka og fæ mér Peng's sem pabbi kom með.

Þessi veikindi eru ekki að koma á besta tíma, í miðjum BA skrifum. Ég hef engan veginn tíma til að liggja bara í rúminu og gera ekki rassgat. Já og grenja. Ég verð svo agalega viðkvæm þegar ég er með hita. Síðast þegar ég fékk svona hita var daginn sem Stella var að útskrifast. Ég lá og grenjaði yfir að komast ekki í athöfnina. Steinsofnaði en hafði mig svo til fyrir veisluna. Heklurnar tóku svo skemmtiatriði sem tók svo á að eftir það grét ég bara.

Umm.. vá hvað ég hljóma spennandi í þessari færslu. Ég kenni veikindunum um þetta. Er venjulega harðari af mér og jafnvel örlítið skemmtilegri.

2007-04-14T16:05:00.000Z

Ég sendi um daginn tölvupóst til forráðamanna Fegurðarsamkeppni Íslands og var hann svohljóðandi:

Ágæti viðtakandi

Nú þar sem val á Ungfrú Reykjavík er nýafstaðið vildi ég grenslast fyrir um hvort hægt væri að nálgast rökstuðning fyrir vali sigurvegara í slíkum keppnum, hvort sem það er í keppnum í landshlutum eða hinni 'stóru' keppni um Ungfrú Ísland?

Einnig vildi ég ath. hvort aðstandendur keppninnar vildu ekki íhuga að breyta 'kosningu þjóðarinnar' í 'kosningu áhorfenda'. Það er alveg ljóst að það er ekki þjóðin sem kýs, ekki einu sinni þverskurður þjóðarinnar, og vil ég í því samhengi benda aðstandendum keppninnar á skilgreiningu orðsins þjóð (hana má nálgast í orðabók). Heppilegra væri því að nota orðið áhorfendur, þó ekki nema til að gera sig síður að athlægi vegna vanskilnings á orðinu.

Og að lokum vildi ég spyrja aðstandendur keppninnar afhverju feðrum er leyft að keppa um titilinn Herra Ísland en mæðrum er hinsvegar ekki leyft að keppa í Ungfrú Ísland. Og afhverju sérstaklega er tilgreint að þær stúlkur sem keppa skuli vera ógiftar.

Með bestu kveðju og von um svör

Dagný Rut

Ég hef ekki enn fengið svar en ætla að gefa þeim fram í næstu viku áður en ég sendi það aftur... og aftur... og aftur.

2007-04-12T13:13:00.000Z

Lét verða af því að skrifa færslu inná Heklubloggið í gær. Ef þið hafið áhuga getiði kíkt á hana.

Annars hef ég svona verið að pæla í lífinu - hef ekkert betra að gera svona í miðjum BA skrifum en að setjast niður og velta því fyrir mér hvar ég er stödd og hvernig framhaldið verður og blaaaaaahhh.

Í þessum vangaveltum fór ég að pæla í því hvort það væri ég sem eilítið skrýtin og erfið í samskiptum eða hvort ég hefði verið svona asskoti óheppin með val á hinu kyninu. Oftar en ekki hef ég hótað því að nú sé ég hætt hugsa um karlmenn - þeir séu allir eins... aumingjar! Að ég hafi verið svo óheppin í þessum málum að ég nenni ekki að standa í þessu lengur. En þá sagði Vigdís systir svo skemmtilega: ég meina, þó þú fáir einu sinni vondan mat þá hættiru ekkert að borða!

En segjum sem svo að þú hafir fengið matareitrun, uppköst, niðurgang og almenna vanlíðan af matnum sem þú borðar, ætli þú myndir ekki hugsa þig um? Hætta að borða? Eða er kannski málið að skipta bara um mataræði? Ef ég hefði einungis fengið væga ógleði af þeim mat er ég léti ofan í mig myndi ég nú halda ótrauð áfram en því miður er það ekki svo gott. Aukaverkanirnar hafa verið alltof slæmar. Hvað er til ráða? Ég veit að ég myndi aldrei hætta að borða en það er annað með karlmennina... því matur er okkur jú lífsnauðsynlegur – karlmenn ekki!!

Og á meðan við erum í þessari samlíkingu þá er fyndið að velta því upp að ég er með þónokkur óþol varðandi mat. Mjólkuróþol, hveitióþol, humaróþol og fl. Yfirfærum þetta aðeins á karlmenn. Þá má segja að ég sé með óþol fyrir karlmönnum sem ekki geta sagt hvað þeir meina og meina það sem sagt er (þetta væri mjólkuróþolið... er í næstum öllu), óþol fyrir mönnum sem kunna ekki að axla ábyrgð (hveitióþolið... er í þó nokkuð mörgu), og einnig óþol fyrir mönnum sem ekki hafa húmor (humaróþolið). Neinei bara pæling.

En ekki misskilja mig. Mér finnst þetta ágætt. Og oftar en ekki hlægilegt. Óheppni mín í karlamálum er ekkert til að gráta yfir. Því jú, eins og ég hef sagt áður þá er gott að hafa húmor fyrir sjálfum sér – og verandi ég er það nauðsynlegt.

Páskablogg

2007-04-09T20:25:00.000Z

Þá eru páskarnir yfirstaðnir og ég hef staðið mig með eindæmum vel... á vitlausum stöðum. Námsbækurnar hafa verið látnar í friði og fengið að rykfalla á skrifborðinu en bjórinn hefur hinsvegar verið teygaður meira en góðu hófi gegnir. Afgreiðslufólkið á Karó er farið að benda mér á að þeir selji aðra vökva en bjór og ég stóð aftgreiðslufólk ÁTVR að því að læsa hurðinni þegar ég gekk í áttina um daginn. En allt tekur víst enda og eftir þessa ágætu vínmareneringu taka við þurrari dagar. Nú er það lærdómur og lestur sem aldrei fyrr. Það má víst ekki seinna vera ef ég ætla mér að taka við útskriftarplagginu þann 9.júní. En fyrir ykkur sem ekki sáuð ykkur fært að heimsækja mig yfir páskana, nú já og þá sem flúðu frá mér til annarra landshluta, ætla ég að súmmera upp páskana:

Þriðjudagur - bjór á Karó eftir vinnu og afleiðingar þess má lesa í færslunni fyrir neðan.

Miðvikudagur - sódavatn á Amour eftir vinnu með Maddý

Skírdagur - rólegheit og leikhús um kvöldið með Vigdísi systur á Ausu sem sýnt var í Akureyrarkirkju. Verkið var ofsalega gott og Ilmur fór á kostum. En það var ofsalega erfitt; mannlegt og sorglegt. Ungum stúlkum á gelgjuskeiðinu tókst næstum að eyðileggja þessa leikhússýningu en með einskærri einbeitningu og þrjósku náði ég að útiloka þær.

Föstudagurinn langi - borðaði ofsalega góðan mat með pabba og svo var bjór heima með Maddý sem endaði á Karó og þaðan á Amour og gott ef það var ekki farið á KaffiAK. Misgáfuleg sms til misgáfulegs fólks (þarf alvarlega að fara að ath. að skilja símann eftir heima)

Laugardagurinn - ekki frá því að örlítill slappleiki hafi hrjáð mig og dagurinn því tekinn rólega og borðaðir afgangar á meðan sjónvarpsstöðvar landsins vörpuðu allra leiðinlegustu sjónvarpsdagskrá síðari ára inní stofu til mín. Ég var of þreytt til að vera pirruð en ekki of þreytt til að láta þetta yfir mig ganga. Kveikti því bara á SATC í tölvunni.

Páskadagur - Páskaegg nr. 4. Góður matur með pabba og svo bjór heima með Maddý og ýmsum. Þaðan var haldið á 80's og 90's kvöld á Amour þar sem við Maddý tókum ofsalega góð dansspor og uppskárum augngotur og hlátur... enga aðdáun. Furðulegt.

Annar í páskum - rólegur dagur þar sem ég var alltaf á leiðinni að fara að læra... kl. nálgast núna 21 og ég hef ekki enn komið mér í það.

Sorrí, þið fáið enga mynd af mér við þessa færslu!

Og annað... ég veit að ég er ofsalega egósentrísk að halda þessari síðu úti og tala eingöngu um sjálfa mig og búast við að fólk hafi áhuga á að lesa það EN mér þætti ofsalega gaman að vita hvaða fólk þetta er. Ég reyndi að koma því til skila í færslunni fyrir neðan eeeeen eitthvað virðist fólk hafa misskilið húmorinn minn... aldrei þessu vant!

2007-04-05T01:18:00.000Z

Í gær ætluðum við Maddý að fá okkur einn bjór á Karó eftir vinnu. Þarf varla að taka það fram að það stóðst engan veginn. En við hlógum rosalega, tékkuðum á liðleikanum og komumst að því að Maddý kemur löppinni bak við haus, fórum og fengum okkur fulla tösku af sleikjó, ég festist í hurðinni á bíl og hringdi í mann sem finnst ég ekkert voðalega fyndin.

Við Maddý höfum oft rætt húmorinn okkar. Okkur þykir við ofsalega fyndnar en vel flestir sem við þekkjum, nú eða þekkjum ekkert, er ekki á sama máli. Við furðum okkur afar oft á þessu en komist að því að þetta er ekki húmorsfötlun okkar heldur húmorsleysi allra annarra.

Og já, ef þið eigið í einhverjum vandræðum með að skrifa í kommentakerfið mitt sendið mér endilega meil og ég skal útskýra þetta fyrir ykkur.

Hvernig finnst ykkur að ég 80% af myndunum sem ég birti eru af mér??

2007-04-02T23:57:00.000Z

Segðu það sem þú meinar og meintu það sem þú segir!

Einföld speki? Nei, ekki fyrir alla.

Ég misskildi mig

2007-04-01T22:10:00.000Z

Ég var í afmæli um daginn hjá Sunnu þar sem var saman komið fólk úr ýmsum áttum. Ég er að tala við strák er ekki þekkti afmælisbarnið og var samtalið á þessa leið:

S: Ertu að sunnan?
É: Já.
S: Já ok. Frábært.
É: Ehhh já.
S: Já og til hamingju með afmælið.
É: Ha! Nei. Ég á ekki afmæli!
S: En þú varst að segja það!
É: Nei.
S: Ég var að spyrja þig hvort þú værir Sunna!
É: (ég gat ekki sagt neitt því ég hló svo mikið)
S: (horfir á mig eins og ég sé fífl)
É: Ég hélt þú hefðir sagt ERTU AÐ SUNNAN!

Svo var vinkona mín að tala við strák um daginn sem hún kannaðist við:

H: Já þekkiru ekki Siggu?
S: Meinaru Siggu Varðar?
H: Ha! Hvarðar?
S: Nei Siggu Varðar?
H: HA? Varðar hvað?
S: SIGGA VARÐAR.
H: Já hvað varðar Siggu??
S: Nei, hún heitir Sigga Varðar!!

Kannski er ekkert fyndið að lesa þetta en ég grét úr hlátri við að rifja þetta upp svo mér er alveg sama.

Annars var aðalfundur Kumpána á föstudaginn og því er ég nú formlega hætt í öllum stjórnum... er nú eingöngu jafnréttisfulltrúi HA. Til að fagna því var drukkinn bjór... og meiri bjór og svo smá vodka og skot. Ég var eiturhressss. Við Maddý vorum einmitt svo hressar að okkur fannst ekkert eðlilegra en að syngja hástöfum inn á Karó: Má ég sparka - já þú mátt - hið geysihressa lag með Bent og 7berg.

Vigdís Ósk sá um að koma öllum í bæinn, hvort sem það var í lögreglufylgd eða með einkabílstjórum. Vigdís systir sá hinsvegar til þess að við hefðum einhvern til að tala við... helst einhvern sem við ekki þekktum. Vigdís systir hennar Önnu Lilju sá svo um að koma réttu aðilunum á rétta skemmtistaði. Þessar þrjár Vigdísir björguðu kvöldinu.

Á laugardaginn fór ég svo í leikhús, í fyrsta skipti síðan ég flutti til AK. Fór að sjá Kristínu Þóru í Lífið - notkunarreglur. Ég veit eiginlega ekki hvar ég á að byrja. Verkið var yndislegt. Tónlistin himnesk. Textinn ótrúlegur og leikararnir frábærir. Þorvaldur er snillingur. Svo er hann líka svo myndarlegur! En ég mæli hiklaust með þessari sýningu.

Svo er gaman að segja frá því að um helgina voru 3 Heklur staddar í höfuðborg norðursins. Party-people-in-the-place-to-be. Fleiri Heklur eru einnig vel þegnar hér í bæ um páskana þar sem ég mun ekki vera á leiðinni suður.

Að lokum: ef ég sendi ykkur sms þá vænti ég svars!! Takk.

Fleira var það ekki í bili.

Slagorð

2007-03-28T13:02:00.000Z

Hér geturu slegið inn nafnið þitt, eða hvaða orð sem, og fengið brillíant slagorð. Svo er líka hægt að fá það orð sem þú setur inní frægar setningar úr kvikmyndum. (Svona geri ég bara í law & economics tímum)

Slogans:

-I Scream, You Scream, We All Scream for Dagný.
-More Dagný Please
-Wouldn't You Rather Be Dagný?
-Dagný, the Other White Meat.

Movie quotes:

-Nobody puts Dagný in a corner.
-The power of Dagný compels you.
-Here's looking at Dagný, kid.
-Hello. My name is Inigo Montoya. You killed my Dagný. Prepare to die!

Vitiði úr hvaða myndum þessar setningar eru? Jahh getiði nú!!

Annars kom óborganleg setning frá ónefndri bekkjarsystur þegar hún labbaði inn í herbergið þar sem við vorum að læra uppí skóla: Oj, þetta er eins og að labba inní leggöng!

Svo var ég aukamamma síðustu viku og hálfa helgina. Skemmtilegasta barn norðurlandsins, og eflaust landsins í heild, var hjá mér og ultu upp úr henni margir gullmolar. Það fyndnasta var eflaust þegar við lágum frammí sófa á laugardagsmorgun að horfa á teiknimyndir og hún snéri sér að mér og sagði: Jæja hunangsbollan mín!

Hér er hún með hið fínasta glóðurauga

Bláa hverfið

2007-03-25T19:05:00.000Z

Ný vændislög voru samþykkt á Alþingi ekki alls fyrir löngu (206 gr. alm. hegningarl.) Hafa þau verið talsvert umrædd og ekki að ástæðulausu. Lögin kveða á um að hvorki er refsivert að stunda kaup eða sölu vændis en ólöglegt mun vera að hafa atvinnu eða viðurværi af vændi annarra. Hvernig á nú að taka á vandanum? Allt löglegt bara! Þetta þykir mér merkilegt en minna merkilegt er að þetta er frumvarp hinna sívinsælu sjálfstæðismanna. Sigurður Kári, auk margra annarra, hefur verið duglegur að verja þessi nýsettu lög. Rökin sem þau færa m.a. eru að þetta geri það að verkum að vændi verði ekki að neðanjarðarstarfsemi! Verði ekki að?? Mín spurning er þá hvort honum finnist vændi í dag ofanjarðarstarfsemi?! Þá snérist umræðan um hvort ekki myndu þá rísa hin svokölluðu rauð hverfi? Nei - ekki vildi hann meina það! Ekki veit ég í hvaða draumaheimi þessi sjálfstæðismenn lifa. Kallið mig svartsýna en ég er þess fullviss að vændishótel/mótel/hús munu blómstra innan skamms. Ég sem hélt að eitthvað hefði breyst í þjóðfélaginu þegar þjóðin reis upp og mótmælti komu klámhópsins fræga. Að það hefði orðið vitundarvakning og vilji til að uppræta þessa svokölluðu iðn. Hin þreyttu rök um hina hamingjasömu hóru eru löngu orðin úrelt og eiga við engin rök að styðjast. Þessi lög eru skref afturábak - þökkum frjálshyggjufólkinu fyrir það.

Nokkrir þingmenn Samfylkingarinnar og VG lögðu fram breytingatillögu og fór þar fremstur Ágúst Ólafur (mæ ó mæ). Var þar m.a. lagt til að hver sá er léti af hendi eða héti greiðslu eða öðrum ávinningi fyrir vændi skuli sæta sektum eða fangelsi allt að 1 ári. Ekki náði það þó í gegn þó svo ég hefði talið það mun vænlegri leið. Það að refsa frekar kaupandanum heldur en seljanda - eins og áður var sagt er hin hamingjusama hóra ekki til heldur stundar þetta af illri nauðsyn.

En ég er sammála Sigurði Kára með að hér muni aldrei rísa rauð hverfi. Til heiðurs flokknum munu hér rísa blá hverfi!!

Afmælisbarn dagsins

2007-03-20T13:41:00.000Z

Afmælisbarn dagsins er minn elskulegi stóri bróðir Bjarni Bjarkan. Ég óska honum innilega til hamingju með daginn og vona að hann njóti hans sem allra allra best.

2007-03-19T23:00:00.000Z

Aðalfundur FSHA var haldinn síðasta föstudag. Ný stjórn var kosin og borðaðar pizzur, drukkuð kók og bjórmiðum útdeilt. Ég sat í kjörnefnd. Það var samt ekki þess vegna sem ég var kjörin jafnréttisfulltrúi Háskólans á Akureyri... eða hvað?! En í tilefni af því var haldið í bæinn og drukkinn bjór. Dansað og hlegið. Sungið og drukkið. Drukkið.

Laugardagurinn var tekinn rólega. Fór aðallega í að hugsa um hvað ég á margar yndislegar vinkonur. Þær eru allar svo frábærar, fallegar og fyndnar. Það er ekki hægt að biðja um meira. Eftir allt þetta hugs fór ég á Greifann og svo til Möggu bestustu og þar átum við ofsalega mikið af nammi. Salsa-rétturinn hennar er ólýsanlegur.

Vigdís stjörnulögfræðinemi gaf mér gjöf í dag. Hún er æði. Bæði gjöfin og Vigdís. Gjafir úr MNG og Harrods hljóma ekki illa!

Ég sagði ykkur að ég ætti yndislegar vinkonur.

Að lokum: lengi lifi slökkviðliðið!!

Með sól í hjarta...

2007-03-13T14:51:00.000Z

Sólin skín úti og það hefur gríðarleg áhrif á geðið. Mín bíða óendanleg verkefni og ég gæti auðveldlega fengið massívt kvíðakast eða sest niður grenjað og gefist upp eeen sólin hefur þau undarlegu áhrif að ég tek þessu með jafnaðargeði og er einstaklega bjartsýn. Hugsið ykkur hvernig ég væri í landi þar sem sólin skín oftar en 30 daga á ári. Ég væri Pollýanna á spítti. Óendanlega bjartsýn og glöð.

Þjófélagið, þó sérstaklega blogg-samfélagið, er að drukkna í femínískum þankagangi og ófemínískum athugsemdum. Það er ótrúleg fáfræði í landinu. Bæði karlmenn og kvenmenn sem hafa ekki hugmynd um hvað femínisti er. Einnig virðast alhæfingar vera nýjasta trendið - þið femínistar! Eins og við séum öll æðislega eins. Málið er að við vinnum að sama markmiðinu - en ólíkar hugsanir eru hvernig við viljum ná þessu fram. Ég sem femínisti skrifa ekki fyrir hönd annarra femínista.. né annarra kvenmanna... né annarra Íslendinga ef útí það er farið. Skoðanir mínar eru mínar og þýðir ekkert að alhæfa um femínista út frá þeim. Þó það komi mér ekkert á óvart ef fólk er sammála mér - ég hef nefninlega ótrúlega oft rétt fyrir mér.

Annars nenni ég ekki að tjá mig um forsíðu Smáralindarbæklingsins né nýjustu auglýsingaherferðar Landsbankans. Þið megið hringja eða senda mér mail ef þið eruð ógeðslega forvitin um afstöðu mína til þeirra mála. Annars er ég í tíma um Law & Economics og það gæti gagnast mér í prófinu á mánudaginn að fylgjast aðeins með.

Good times...

Hvað ætlar ÞÚ að gera til að bæta stöðuna á milli kynjanna?

2007-03-06T20:16:00.000Z

Femínistafélag Akureyrar boðar til fundar fimmtudaginn 8. mars kl.16:30 í tilefni af Alþjóðlegum baráttudegi kvenna og eins árs afmælis Femínistafélags Akureyrar.

Fundurinn verður haldinn í stofu L201 í Háskólanum á Akureyri, að Sólborg.

Á fundinn koma frambjóðendur frá þeim listum sem að bjóða fram til alþingiskosninga í vor, skýra frá þeirra stefnu í jafnréttismálum og sitja fyrir svörum.

Brynja Hlíf Þorsteinsdóttir frá Frjálslyndum
Dýrleif Skjóldal frá Vinstri grænum
Lára Stefánsdóttir frá Samfylkingu
Sigfús Karlsson frá Framsóknarflokk
Steinþór Þorsteinsson frá Sjálfstæðisflokk

Við hvetjum því alla sem að láta sig málið varða, að mæta og taka þátt í umræðunum og gleðjast með okkur á þessum hátíðardegi.

Hlökkum til að sjá ykkur

2007-03-04T23:34:00.000Z

Margt hefur gerst síðan síðast. Mín uppáhalds Björt átti afmæli þann 2. mars. Ég var ekki búin að gleyma því en hafði bara engan tíma þá til að skrifa hér inn. Hún fagnaði afmælinu sínu í Óðalinu í Svíaveldi að þessu sinni og hafði það víst bara ægilega gott.

Fallegasta skemmtilegasta og fyndnasta Bjarden sem hatar ekki mojito-inn!

Elsku Björt. Ég sendi þér fullt af kossum og knúsum. Hlakka svo ægilega til að hitta þig.

Annað mál á dagskrá. Árshátíð FSHA var í gær. Hún tókst með afbrigðum vel enda engin önnur en Hildur sem sá um skipulagningu hennar. Þemað var 1001 nótt. Skreytingarnar voru vel heppnaðar sem og allt annað. Simmi veislustjóri var afar góður og einnig heiðursgesturinn hún Sigrún Björk bæjarstjóri. Skemmtiatriði deildana voru einnig afar skemmtileg... sum þó betri en önnur. Kallið mig sjálfhverfa en mér fannst Kumpána-atriðið laaaang skemmtilegast!

Við MaggaStína við matarborðið, klæddar samkvæmt þemanu að sjálfsögðu. Verst að þið sjáið ekki buxurnar sem ég saumaði sérstaklega fyrir tilefnið.

Afmælisbarn dagsins

2007-02-27T18:11:00.000Z

Fallegasta og yndislegasta Stellan mín á afmæli í dag. Hún ber aldurinn nokkuð vel og ljómar sem aldrei fyrr. Er hún við hestaheilsu og nokkuð frá á fæti. Ég vildi ekkert meira en að vera hjá henni í dag en verð að láta góðar hugsanir og eitt símtal nægja í bili. Ég vona að hún njóti dagsins og hafi það sem allrallra best. Elska þig endalaust og sendi þér kossa & knús.

Kyssikyss